Isaaya 56
56
1 #
Isa 46:12, 13. Oku nikwo MUKAMA arikugamba naagira ati:
Muhamire omu by'oburyo, mukore eby'okuhikiirira,
Ahabw'okuba okujuna kwangye kuri haihi kwija,
N'okuhikiirira kwangye kuri haihi kushuuruurwa.
2 #
Isa 58:13. Omuntu orikubikoa aine omugisha,
Omwana w'omuntu orikubihamiraho,
Akarinda sabato, atagishiishe,
Kandi akazibira omukono gwe kukora ekibi kyona.
3 #
Isa 14:1. Omunyaihanga oyehongyeire MUKAMA arekye kugira ati:
MUKAMA taribura kuntaanisa n'abantu be.
Kandi omukonwa arekye kugira ati:
Reeba, ndi ekiti kyomire.
4Ahakuba oku nikwo MUKAMA arikugamba naagira ati:
Abakonwa abarikurinda sabato zangye,
Abatoorana ebirikunshemeza,
Bakahamira aha ndagaano yangye,
5 #
2 Sam 18:18; Yoh 1:12; Kush 3:12. Ndyabaha ekiijutsyo omu nju yangye n'omu rurembo rwangye,
Mbahe n'eiziina eririkukira okugira abaana b'aboojo n'ab'abaishiki;
Ndyabaha eiziina eririgumaho
Eritariihwaho.
6Kandi abanayamahanga abarikwehongyera MUKAMA
Kumukorera, kukunda eiziina rye,
N'okuba abaheereza be,
Buri muntu orikurinda sabato, atagishiishe,
Akahamira aha ndagaano yangye-
7 #
Isa 19:24, 25; Mat 21:13; Rom 15:16. Abo nabo ndyabareeta aha nju yangye ey'okushabiramu,
Ebitambo byabo by'okwotsya n'ebindi bitambo byabo
Biryaikirizibwa kutambirwa aha itambiro ryangye;
Ahabw'okuba enju yangye eryayetwa ey'okushabirwamu amahanga goona.
8 #
Isa 11:12; Yoh 10:16; Efe 1:10; 2:11-16. Oku nikwo Mukama RUHANGA orikutaaruura encuubwa za Israeli
Arikugamba naagira ati:
Ndyamutaaruuriraho abandi,
Mbongyere aha baabaire baataarwirwe.
9 #
Yer 12:9. Imwe nyamaishwa z'omu ishwa 'mwe mwena,
Naimwe mwena enyamaishwa z'omu kibiria,
Nimwije mushonshomere.
10 #
Yer 6:13, 17. Abarinzi be n'empumi,
Boona tibaine bwengye,
Boona n'embwa ezikwatsirwe aha munwa,
Ezitarikubaasa kumoka;
Nibaroota, nibabyama, kandi nibakunda kuhungira;
11 #
Yer 23:1; Ezk 34:2, 3. Eego n'embwa z'omururu, ezitahaaga,
N'abariisa abataine ki barikumanya;
Boona bateishukire omuhanda, baatoora eyaabo,
Buri muntu naayesherurira amagoba ge
Ah'arikubaasa kuhika hoona.
12 #
Isa 28:7; 1 Kor 15:32. Nibagira bati: Mwije, tushengyeere viinyo,
Twenywere ebirikusinza, tubikimbuure;
Kandi na nyencakare tugire nka hati,
Turengyesereze.
Currently Selected:
Isaaya 56: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
