Isaaya 55
55
Obunanukye bw'abarikwikiriza Ruhanga
1 #
Enf 9:5; Mat 5:6; Yoh 7:37. Imwe mwena abaine eiriho, mwije aha maizi,
Kandi otaine mpiiha, aije, agure, arye;
Mwije mugure viinyo n'mate
Ahatari kuha mpiiha, ahatari kucwererana.
2 #
Yoh 6:27. Ahabw'enki nimuheera empiiha zaanyu ebitari by'okurya,
N'okuhendekyera ebitari kuhaazya?
Mumpurire mutaireho omutima, mubone kurya ebirungi,
Amagara gaanyu gashemerererwe ebirimu ebishaju.
3 #
Isa 59:21; Enf 4:4; Yer 30:9; 32:40; Ezk 37:26; Byak 13:34. Mutegye amatu, mwije ahariinye;
Muhurire, amagara gaanyu gabone kugumaho,
Naanye ndyaragaana naimwe endagaano etarihwaho,
Nizo mbabazi ezitarirugaho ezi naaraganiise Daudi.
4 #
Isa 9:6, 7; Zab 18:43; Mik 5:2; Byak 5:31. Reeba, mmugizire kareebi aha mahanga kuhamya ebyangye,
Kuba omwebembezi kandi omutegyeki waago.
5 #
Zek 8:22, 23; Byak 3:13. Reeba oryayeta eihanga eri otakamanyaga,
Kandi amahanga agatarikukumanya garyakwehongyera
Ahabwa MUKAMA Ruhanga waawe, Orikwera wa Israeli.
Ahabw'okuba akuhaire ekitiinisa.
6 #
Zab 32:6. Musherure MUKAMA naakiboneka,
Mumutakire akiri haihi.
7Omubi arekye omuhanda gwe,
N'otahikiriire arekye ebiteekateeko bye,
Agarukye ahair MUKAMA, abone kumusaasira,
Ahari Ruhanga waitu, ahakuba naija kumusaasirira kimwe.
8Mumanye ngu ebiteekateeko byangye tibyo biteekateeko byanyu,
N'emitwarize yaanyu tiyo mitwarize yangye,
Nikwo MUKAMA arikugamba.
9 #
Zab 103:11. Ahakuba nk'oku eiguru riri ahaigur okukira ensi,
1Nikwo n'emitwarize yangye eri ahaiguru okukira eyaanyu,
N'ebiteekateeko byangye nikwo birikukira ebyanyu.
10 #
2 Kor 9:10. Ahakuba nk'oku enjura nari ebirika biruga ahaiguru bikagwa,
Bitagarukyeyo, kureka bikaitirira eitaka,
Bikarireetamu okutooka n'okumera,
Omubibi akabona embibo,
N'omuri bikamuha eby'okurya,
11Nikwo n'ekigambo kyangye ekirikuruga omu kanwa kangye kiriba;
Tikirigaruka hariinye busha,
Kureka kiryahikiiriza ebi ndikwenda,
Kigire omugisha omuri ebyo ebi nkitumiire.
12 #
Isa 35:1, 10; 44:23; Zab 98:8. Ahabw'oku muryashohora n'okushemererwa,
Murugyeyo mwebembeirwe, mwine obusingye;
Enshozi n'ebibungo biryateera akaari,
Byeshongore omu maisho gaanyu,
N'ebiti byona eby'omu ishwa biteere omu ngaro.
13 #
Isa 41:19. Omu mwanya gw'amahwa haryameramu omuberooshi,
N'omu mwanya gw'emikwatangwe hameremu omukadasi,
Kibe eky'okwijukiraho MUKAMA,
Akamanyiso akatarihwayho ebiro byona.
Currently Selected:
Isaaya 55: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
