Isaaya 57
57
Okuhiirwa kw'abahikiriire omu kufa kwabo
1 #
Zab 12:1. Ohikiriire naahwerekyerera,
Kwonka tihariho orikukitaho omutima;
Abarikutiina Ruhanga nibaihwaho,
Kwonka tihariho orikuteekateeka ngu,
Naaba aihirwe omu kabi,
2 #
2 Bus 16:14; Ezk 32:25. Ataahire omu busingye;
Abagyendera omu kuhikiirira
Bahuuumuria aha bitabo byabo.
Eby'okuteisa abaarikuramya ebishushani
3 #
Yoh 8:41, 42. Kwonak imwe, batabani b'omurogikazi 'mwe,
Oruzaaro rw'omushambani na maraaya,
Nimwirire aha.
4 #
Isa 1:4, 29; Zab 35:21. Ou murikugaaniiza n'oha?
Ou murikushekyerera nimworekyeza orurimi n'oha?
Timuri abaana b'ebibi, oruzaaro rw'obugobya,
5 #
2 Bag 16:4; Ezk 16:20, 21. Imwe abarikubuugumwamu okwetenga, muri omu myela,
N'ahansi ya buri kiti kibisi ekyetwa omurinzi;
Mukaitira abaana omu mpanga,
Omu biharamanga by'amabaare?
6Omugabo gwanyu guri omu mabaare ag'omu ruhanga agarikuterera;
Ago nigwo mubagano gwanyu.
Nigo mwashukiire empongano zaanyu z'eby'okunywa,
Mukagahongyera empongano z'esaano.
Nimugira ngu ekiniga eki nyine ahabw'ebyo nikibaasa kwikaikana?
7 #
1 Bag 14:23. Otaire ekitanda kyawe aha rushozi oruraingwa kandi orutunguukire,
Kandi okwo niyo waagiire kutambira ebitambo.
8 #
Hos 1:2. Otaire akamanyiso kaawe
Enyima y'orwigi n'ebiti by'omuryango;
Ahakuba ojwariire busha ondiijo, otariinye,
Waatemba ekitanda kyawe, waakihangusya,
Waaragaana nabo endagaano.
Ku waareeeba ekitanda kyabo, waakikunda.
9Waaza ow'omugabe oyeesiigire,
Oyongyeire aha migaju yaawe,
Waatuma entumwa zaawe hare,
Waayemaramu ak'obuntu, waahika Okuzimu.
10 #
Yer 18:12. Waaruhibwa orugyendo ruhango,
Kwonka tiwaagira oti: Tikiine mugasho;
Kureka waabona eky'okukwongeramu amaani,
Tiwaagwa nshazi.
11 #
Zab 50:21; 78:10, 36. Beitu shi owaakwitsize obwoba, okatiina,
Kikakureetera okubeiha, otanyijukye,
Okanga kuunyetaho, n'oha?
Timmazire omwanya muhango, nyetsirize,
Haza otantiine?
12Ndyagamba aha kuhikiirira kwawe n'aha bi orikukora;
Kwonka tibiine ki birikugasira.
13 #
Isa 11:9; Zab 37:9; Yer 11:12. Guma otakye, haza tureebe ebishushani ebi waashangurwize, ku byakutambira!
Omanye ku omuyaga gurikwija kubitwara,
N'omwitsyo gukabituntumura;
Kwonka orikuunyesiga niwe arikubuura ensi,
Akahungura orushozi rwangye orurikwera.
14 #
Isa 62:10. Kandi kiryagambwa kiti:
Mutinde, mutinde, mushemeze,
Murimbure enkongi zoona omu muhanda gw'abantu bangye.
Oku Ruhanga atuura n'abarikweteisa akabahuumuriza
15 #
Isa 9:6; 42:3; Mik 6:6; Zab 34:18; 138:6. Ahakuba oku nikwo Orw'ahaiguru, kandi Omukuru, arikugamba,
Otuura Ahatahwaho, ou eiziina rye riri Orikwera,
Naagira ati:
Ntuura omu mwanya gw'ahaiguru kandi ogurikwera
Hamwe n'ow'omutima ogurikweteisa kandi omucureezi,
Ngu mbone kuhimbuura emyoyo y'abacureezi,
N'emitima y'abarikweteisa.
16 #
Kut 6:3; Zab 103:9. Ahabw'okuba tinditongana ebiro byona,
Kandi tindiguma nyine ekiniga,
Ahakuba ku naakutwaza ntyo,
Emyoyo n'emitima ei naahangire
Ekakancwekyererera omumaisho.
17 #
Yer 6:13. Ahabw'ekibi ky'okururuuha kwe nkaguubwa kubi,
Naamuteera, naamwima amaisho nyine ekiniga;
Kwonka yaagumizamu kugaruka enyima
Omu muhanda ogu omutima gwe gurikwenda.
18 #
Isa 61:3; Yer 3:22. Ndeebire emicwe ye, ndyamutambira,
Mmwebembere, mmugarurire obuhuumure,
Mpangye omu barikumuyaagira #57:18 Omu Ruheburaayo, ebyana by'eminwa. eminwa erikuhimbisa.
19 #
Byak 2:39; Efe 2:17; Heb 13:15. Obusingye, Obusingye bube omu ba hare n'aba haihi.
Naanye ndyamutambira, nikwo MUKAMA arikugamba.
20 #
Yud 13. Kwonka ababi ni nk'enyanja erikwecunda,
Ahakuba terikubaasa kucureera,
Kureka amaizi gaayo gaimukiiriza ebyondo n'oburofa.
21 #
Isa 48:22. Aha mubi tihabaho busingye,
Nikwo Ruhanga wangye arikugamba.
Currently Selected:
Isaaya 57: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
