Isaaya 53
53
Ebirikuragura aha kubonabonesibwa kwa Kristo
1 #
Isa 51:9; Yoh 12:38. N'oha oikiriize ebi tuhuriire?
Kandi omukono gwa MUKAMA gushuururiirwe oha?
2 #
Isa 11:1. Ahakuba akakurira omu maisho ge nk'ekibyairwe ekito,
Kandi nk'akati akatookire omu itaka ryaomire.
Akaba ataine ku arikushusha, n'obu bwakuba oburungi, ngu tumureebe,
Nari akandi karungi aku turikumwetengaho.
3 #
Zab 22:6; Mak 9:12; Yoh 1:10, 11. Akagaywa, yaayangwa abantu,
Omuntu w'obujune, omanyiire enaku;
Kandi nk'ou abantu batiinisa amaisho,
Kandi nk'ou abantu batiinisa amaisho,
Nikwo yaagayirwe atyo, naitwe tutamwetemu kaabuntu.
4 #
Zab 69:26; Mat 8:17. Buzimazima akeekorera enaku zaitu,
Yaatwara obujune bwaitu,
Haza itwe twateekateeka ngu Ruhanga niwe amuteire,
Akamwasha, akamubonabonesa.
5 #
Rom 4:25; 1 Pet 2:24, 25. Kwonka akahutaazibwa ahabw'eby'okushiisha byaitu,
Yaahondahondwa ahabw'okutahikiirira kwaitu;
Okuteerwa kw'okutureetera obusingye niwe yaakuteirwe,
Kandi emihiririzi ye niyo etukiza.
6 #
Yer 50:6, 17; 2 Kor 5:21. Twena tukahaba nk'entaama,
Twateishuka, buri muntu yaatoora omuhanda gwe,
Kwonka MUKAMA yaamutaho okutahikiirira kwaitu twena.
7 #
Yer 11:19; Mat 26:63; Byak 8:32; 1 Pet 2:23. Akaitwa kubi yaabonabonesibwa,
Kwonka tiyaayashamya kanwa ke;
Yaaba nk'akataama akarikutwarwa kwitwa,
Kandi nk'entaama oku ecureera omu maisho g'abakyemuzi b'ebyoya;
Okwo nikwo nawe ataraashamize kanwa ke.
8 #
Isa 57:1. Ahabw'okwitwa kubi n'okucwerwa orubanja akaihwaho;
Omu b'omu busingye bwe n'oha owaateekateekire
Ngu akaihirwaho kimwe omu nsi y'abahuriire?
Ahabw'eby'okushiisha by'abantu bangye nikyo yaateereirwe.
9 #
Mat 27:57, 60; 1 Pet 2:22. Bakamuteekateekyera ah'okuziikwa hamwe n'ababi,
Kandi n'omutungi omu kufa kwe.
N'obu araabe atarakozire by'obubisha,
N'obu bwakuba obugobya kuruga omu kanwa ke.
10Kwonka MUKAMA akasiima kumuhondahonda,
Yaamusaasa;
Ku araayehindure ekitambo ahabw'ekibi,
Aryareeba oruzaaro rwe, ayongyere aha biro bye,
Ebi MUKAMA arikwenda bihikiirizibwe gye omu mukono gwe.
11 #
Byak 13:39; Rom 5:18, 19; 1 Yoh 2:1. Aryareeba ebirikuruga omu busaasi bw'amagara ge, amarwe;
Ahabw'okumanya kwe omuheereza wangye ohikiriire
Aryahaisa baingi okuhikiirira,
Kandi ayekorere eby'okutahikiirira byabo.
12 #
Luk 22:37; Rom 8:34; Fil 2:9; Kol 2:15; 1 Tim 2:5. N'ahabw'ekyo ndyamubaganisiza omugabo hamwe n'abakuru,
Nawe aryabagana eminyago n'ab'amaani,
Ahabw'okuba akashuka amagara ge okuhitsya aha kufa,
Yaabarirwa hamwe n'enkozi z'bibi,
Yaayekorera ebibi by'abaingi,
Kandi yaatonganira abasiisi.
Currently Selected:
Isaaya 53: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
