Isaaya 52
52
Amakuru marungi aha b'ensi yoona
1 #
Neh 11:1; Yoel 3:17; Kush 21:27. Sisiimuka, sisiimuka,
Ojware amaani gaawe, iwe Saayuuni;
Jwara ebijwaro byawe ebirungi,
Iwe Yerusaalemu, orurembo orurikwera;
Ahabw'okuba abatashazirwe n'abatashemeire
Tibarigaruka kukwijamu.
2Yekunkumure omucuucu, oimukye, oshutame,
Iwe Yerusaalemu enkwatwa;
Yuzya enkomo ezikuri omu bitsya,
Iwe saayuuni enkwatwa.
3 #
Isa 45:13; 1 Pet 1:18. Ahabw'okuba oku nikwo MUKAMA arikugamba naagira ati: Mukagurwa busha, kandi muryacungurwa ahatari mpiiha. 4#Kut 46:6. Ahakuba oku nikwo MUKAMA arikugamba naagira ati: Okubanza abantu bangye bakashuuma Misri kushuuhuukirayo; bwanyima Abaasiria baabaitira kubi busha. 5#Ezk 36:20, 23; Rom 2:24. Mbwenu aha nteekirweho ki, nindeeba abantu bangy enibatwarirwa busha? nikwo MUKAMA arikugamba. Abarikubategyeka nibababoroozya, kandi obutoosha eiziina ryangye risiiba nirigaywa, nikwo MUKAMA arikugamba. 6#Isa 49:26. Nikyo abantu bangye barimanyira eiziina ryangye; ahari eryo izooba baryamanya ngu niinye orikugamba; reeba niinye.
7 #
Rom 10:15. Ebigyere by'orikureeta amakuru g'ebigambo birungi
Ka ni birungi aha bibungo,
Orikuranga eby'obusingye, akareeta amakuru marungi g'ebigambo birungi,
Orikuranga eby'okujunwa, akagira Saayuuni ati:
Ruhanga waawe ari aha ngoma.
8 #
Isa 33:17; 62:6; 1 Yoh 3:2. Hurira, abarinzi baawe nibaimutsya eiraka,
Nibeeshongorera hamwe n'okushemererwa,
Ahabw'okuba MUKAMA, ku arigaruka Saayuuni,
Baryareebana nawe.
9 #
Zab 98:3, 4. Imwe emyanya ya Yerusaalemu eyaabaire amatongo,
Muteere akaari k'okushemererwa nimweshongorera hamwe,
Ahabw'okuba MUKAMA ahuumuriize abantu be,
Yaacungura Yerusaalemu.
10 #
Luk 3:6. MUKAMA afungiize omukono gwe ogurikwera
Omu maisho g'amahanga goona,
N'emperu z'ensi zoona
Ziryareeba okujuna kwa Ruhanga waitu.
11 #
Isa 48:20; Ezr 1:7-11; 2 Kor 6:17. Mugyende, mugyende, murugyemu,
Mutakora aha kintu kyona ekitashemeire,
Imwe abeekorera ebintu bya MUKAMA;
Murugye ahagati yaarwo, mweyeze.
12 #
Isa 58:8; Kur 12:11, 33, 39; 14:19; Mik 2:13. Ahabw'okuba timurirugayo nimurahukiiriza,
Kandi timurigyenda nimuhunga;
Ahakuba MUKAMA niwe aribeebembera,
Kandi Ruhanga wa Israeli niwe aribaza enyima,
Akaguma naabarinda.
Eby'okuragura aha busaasi bwa Kristo
13 #
Isa 42:1. Reeba, omuheereza wangye aryakoresa obwengye,
Aryahimbisibwa, atunguurwe,
Aze ahaiguru mononga.
14 #
Isa 53:2, 3. Nk'oku baingi baamutangaariire,
Ahabw'okusiisikara ahamaisho okukira abantu boona,
N'enshusha ye okutaba nk'ey'abantu,
15 #
Isa 49:7, 23; Rom 15:21; 16:25. Nikwo arikanga amahanga maingi,
Abagabe bakeekwata aha munwa ahabwe;
Ahabw'okuba baryareeba ekitakabahoga,
Kandi n'eki batakahuriraga baryakyetegyereza.
Currently Selected:
Isaaya 52: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
