Isaaya 51
51
MUKAMA okuhuumuriza Saayuuni
1Mumpurire, imwe abarikukuratira okuhikiirira,
Imwe abarikusherura MUKAMA,
Mureebe orukiri oru mwashatwirweho,
N'ekiina ky'amabaare eki mwatimbirwemu.
2 #
Ezk 33:24. Mureebe Abrahamu shoimwe,
Na Saara owaabazaire;
Ahakuba, ku yaabaire akiri omwe wenka, nkamweta,
Naamuha omugisha, naamukanyisa.
3 #
Isa 35:10; Kut 2:8; 13:10. Ahabw'okuba MUKAMA aryhuumuriza Saayuuni,
N'emyanya yaayo yoona eyaatsigirweho;
Eihamba ryayo aryarihindura nka Edeni,
N'eihamba ryayo ry'omusheenyi arigire nk'omusiri gwa MUKAMA;
Haryabamu okushemererwa n'okunanuka,
Okusiima n'amaraka g'okweshongora.
4 #
Isa 2:3; Zab 78:1. Imwe bantu bangye 'mwe, nimumpurire,
Naiwe ihanga ryangye 'we, ntega okutu!
Ahakuba ndyashohoza ekiragiro,
N'eby'oburyo byangye biryaba omushana gw'okujwera amahanga.
5 #
Isa 46:13. Okuhikiirira kwangye kuri haihi,
N'okujuna kwangye kushohoire.
Emikono yangye eryategyeka amahanga,
Ebirwa biryantegyereza,
Kandi omukono gwangye nigwo baryesiga.
6 #
Mat 24:35; 2 Pet 3:10; Kush 21:1. Mwimutsye amaisho ahaiguru,
Mureebe ensi ahansi;
Ahabw'okuba iguru riryahwaho nk'omwika,
N'ensi eryakura nk'ekijwaro,
N'abagitwiremu bafe nka mukwikwi;
Kwonka okujuna kwangye kuryagumaho ebiro byona,
N'okuhikiirira kwangye tikurihwaho.
7 #
Zab 37:31; Mat 10:28. Mumpurire, imwe abarikumanya okuhikiirira,
Abantu abu ebiragiro byangye biri omu mitima yaanyu;
Murekye kutiina okujuna kw'abantu,
Kandi mutahahaaza emitima ahabw'okukyeena kwabo.
8Ahabw'okuba ebiyenje biryabarya nk'ekijwaro,
Na kooya ebarye nk'ebyoya by'entaama;
Kwonka okuhikiirira kwangye kuryagumaho ebiro byona,
N'okujuna kwangye obusingye bwona.
9 #
Isa 27:1; 30:7; 52:1; Zab 44:1; 89:10; 93:1; Ezk 29:3; Luk 1:51. Sisiimuka, sisiimuka, ojware amaani,
Iwe omukono gwa MUKAMA!
Sisiimuka nk'omu biro bya ira,
Omu busingye obwa iranaira.
Tiiwe waatemagwire Rahabu,
Okacumita ekijoka kiri?
10 #
Kur 14:21. Tiiwe waayomize enyanja,
Amaizi maingi ag'ahagati yaayo gakarugaho,
Okagicwamu omuhanda, ngu abacungwirwe barabemu?
11Kandi abu MUKAMA yaacungwire baryagaruka,
Baije Saayuuni nibeeshongora;
Okushemererwa okutahwaho kuri aha maisho gaabo;
Baryagira okushemererwa n'okunanuka,
Kandi obusaasi n'okutsinda biryakwata akakiro.
12 #
Isa 40:1, 6; 66:13; Zab 118:6. Nyowe, niinye orikubahuumuriza.
Obaire ota, iwe orikutiina omuntu orikufa,
Omwana w'omuntu owaahangirwe nk'obunyaatsi,
13Haza okeebwa MUKAMA Omuhangi waawe,
Owabambire eiguru, akataho emisingi y'ensi,
Okaguma noorenzya eizooba
Nootiinisibwa ekiniga ky'orikuhata, yaaba amaririire kucwekyereza
Mbwenu ekiniga kye kirahi?
14 #
Isa 45:13. Enkwatwa eyaanyagirwe eryarekurwa juba;
Terifa, ekaza omu kiina;
N'eby'oburyo byayo tibiribura,
15 #
Yer 31:35. Ahabw'okuba niinye MUKAMA Ruhanga waawe,
Oimutsya enyanja, ebingonzi byayo bikahoorera
MUKAMA ow'amahe niryo iziina ryangye
16 #
Isa 59:21. Kandi ntaire ebigambo byangye omu kanwa kaawe,
Naakushereka omu kicuucu ky'omukono gwangye,
Naabamba eiguru, naataho emisingi y'ensi,
Naagira Saayuuni nti: Muri abantu bangye.
17 #
Isa 52:1; Yer 25:15; Zek 12:2; Mat 20:22. Sisiimuka, sisiimuka, oyemerere, iwe Yerusaalemu,
Iwe onywereire omu mukono gwa MUKAMA
Ekikopo ky'ekiniga kye,
Okanywa ekikopo ky'okugwererana,
Okakyeranguuza.
18 #
Zab 74:9. Omu boojo abu yaazaire boona
Tiharimu n'omwe ow'okumwebembera,
Kandi n'omu bu yaayoroire boona
Tiharimu w'okumukwata omukono.
19Ebyo byombi bikuhikireho;
N'oha oraakuyaagire?
Kandi n'okuba amatongo n'okucwekyerera,
N'enjara na rurara,
N'oha oraakuhuumurize?
20 #
Tonz 2:11, 12. Batabani baawe bagwire enshazi,
Babyami omu nteeraniro z'enguuto,
Nk'empara ekwatsirwe ekigoye;
Bajuumikiirwe ekiniga kya MUKAMA,
Okuhana kwa Ruhanga waanyu.
21 #
Isa 54:11. N'ahabw'ekyo muhurire ebi, imwe abarikubonabonesibwa,
Abasinzire, kwonka mutasinzire viinyo.
22 #
Yer 50:34. Oku nikwo Mukama, MUKAMA Ruhanga waanyu,
Orikutonganira abantu be, arikugamba naagira ati:
Reeba, nyihire omu ngaro zaawe
Ekikopo ky'okugwererana,
N'orushara rw'ekiniga kyangye
Torigaruka kurunywaho;
23 #
Isa 47:6; 52:2; Yer 25:17, 26, 28. Kureka ndyaruta omu mikono y'abarikukwita kubi,
Abaakugizire bati:
Inama, tukwambukireho,
Naiwe omugongo gwawe okagugira nk'ahansi,
Nk'enguuto yaabo y'okurabamu.
Currently Selected:
Isaaya 51: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
