Isaaya 50
50
Eby'obusaasi bwa Kristo
1 #
Bir 21:4; 2 Bag 4:1; Yer 3:8; Hos 2:2; Mat 18:25. Oku nikwo MUKAMA arikugamba naagira ati:
Ebaruha ei naashendeise nyokoimwe erahi?
Nari shi n'oha omu barikuunyihuza
Ou naabagurize?
Reeba, mukagurwa ahabw'ebibi byanyu,
N'ebicumuro byanyu nibyo byashendeise nyokoimwe.
2 #
Isa 59:1; Kur 7:18, 19; 14:21; Kub 11:23; Yos 3:16; Zab 104:7; Nah 1:4. Ahabw'enki, obu naija, ntarashangireyo muntu,
Ku naayetsire, hataragizire owaanyetaba?
Nimugira ngu omukono gwangye gubaire mugufu,
Tigurikubaasa kucungura?
Tiinyine maani g'okujuna?
Reeba, ahabw'okukabuka kwangye, nyomya enyanja,
Mpindura emigyera eihamba ry'omusheenyi;
Eby'enyanja binuuka ahabw'okubura amaizi,
Kandi bifa ahabw'eiriho.
3 #
Kush 6:12. Eiguru ndijweka okwiragura,
Ndishweka ebiguniya.
4 #
Kur 4:11; Enf 15:23; Mat 11:28. Mukama RUHANGA ampaire orurimi rw'abeegyesiibwe,
Ngu mbone kumanya ekigambo eki ndaahangaanise oruhire.
Buri kasheeshe ansisiimura,
Asisiimura okutu kwangye kuhurira
Nk'abarikwegyesibwa.
5 #
Zab 40:6; Yoh 14:31. Mukama RUHANGA aigwire okutu kwangye,
Tinaagoma, kandi tinaagaruka nyima.
6 #
Isa 53:5; Mat 26:67; 27:26. Amabega gangye ngateegyeize abateezi,
N'amatama gangye naagaha abarikumaanyura ebireju;
Tindasherekire maisho gangye enshoni n'okucwerwa amacwante.
7 #
Ezk 3:8, 9. Ahabw'okuba Mukama RUHANGA ampwera,
Nikyo ntarikushobererwa.
N'ahabw'ekyo ngumize aha maisho gangye nk'eibaare ry'enkangabuye,
Kandi nimmanya ngu tindikwatwa nshoni.
8 #
Rom 8:33, 34. Orikuunyihaho orubanja ari haihi;
N'oha orintonganisa?
Ka twemerere, tutongane;
Omuzigu wangye n'oha?
Naanyirire haihi.
9Reeba, Mukama RUHANGA nampwera;
N'oha oricwa orubanja kunsinga?
Reeba, boona baryakura nk'ekijwaro,
Ebiyenje bibariire kimwe.
10 #
Isa 42:16; 49:2, 3; Mik 7:8. N'oha omuriimwe orikutiina MUKAMA,
Akoorobera eiraka ry'omuheereza we,
Orikugyendera omu mwirima, ataine mushana,
Kwonka akeesiga eiziina rya MUKAMA,
Akeegamira Ruhanga we?
11Reeba, imwe mwena abarikuhemba omuriro,
Mukeekiikiza emuri embaju zoona!
Mugyende nimumurikirwa omuriro gwanyu,
N'ogw'emuri zi mukongyerize.
Ebi nibyo mbacumiire,
Muryabyama n'obusaasi.
Currently Selected:
Isaaya 50: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
