Isaaya 49
49
Kristo Omucunguzi w'Abaisraeli n'agandi mahanga goona
1 #
Isa 44:2. Imwe birwa 'mwe, mumpurire, Naimwe amahanga agarugire hare, mutegye amatu.
MUKAMA akaanyeta ntakazairwe,
Yaanyeta eiziina nkiri omu nda ya maawe.
2 #
Isa 11:4; 51:16; Heb 12:4; Kush 1:16. Akanwa kangye yaakagira nka rurara y'obwogi,
Yanshereka omu kicuucu ky'omukono gwe;
Yampiika omu mutaana gwe;
3 #
Isa 44:23. Kandi yangira ati: Ori omwiru wangye, Israeli,
Omuriiwe nimwo ndiheerwa ekitiinisa.
4 #
Isa 50:4-8; 65:23. Kwonka naagira nti: Nkahendekyera busha,
Amaani gangye gaaga busha.
Kwonka ebyangye MUKAMA niwe arikubimanya,
Kandi Ruhanga wangye niwe arinzimuurira.
5 #
Isa 52:13. Kandi hati, oku nikwo MUKAMA arikugamba
Owampindwire omuheereza we, ninkiruga omu nda ya maawe,
Ngu mmugarurire Yakobo,
Abaisraeli babone kumuteeraniraho;
Ahabw'okuba ndi ow'ekitiinisa omu maisho ga MUKAMA,
Kandi Ruhanga wangye ahindukire amaani gangye
6 #
Isa 42:6; Zab 98:3; Byak 13:47. Naagira ati:
Okuba omuheereza wangye ow'owimutsya enganda za Yakobo,
N'okugarura Abaisraeli abaahonokireho, n'ekintu kikye munonga;
Kureka ndyakugira omu shana gw'okujwera amahanga,
Okujuna kwangye kubone kuhika aha muheru gw'ensi.
7 #
Isa 50:6, 7; 53:3. Oku nikwo MUKAMA arikugamba,
Omucunguzi wa Israeli kandi Orikwera we,
Ou amahanga garikugaya, gakatamirwa kimwe,
Omuheereza w'abategyeki, naagira ati:
Abagabe baryakureeba, baimukye
Hamwe n'abanyiginya, baramye,
Ahabwa MUKAMA orikwesigwa,
Orikwera wa Israeli owaakutooraine.
8 #
Isa 42:6, 7; 61:4; Zab 69:13; 2 Kor 6:2. Oku nikwo MUKAMA arikugamba naagira ati:
Omu bunaku bw'okwikiririzibwamu nkakugarukamu,
N'aha izooba ry'okujunirwaho naakuhwera;
Ndyakurinda, nkuteho kuba endagaano y'abantu,
Obone kuhamya ensi
N'okubaganisa obuhunguzi obwatsigirweho,
9Okugambira embohe oti: Mushohore,
N'abari omu mwirima oti: Mweyorekye.
Baryariira omu mihanda,
N'aha mitwe y'enshozi zoona ez'emparamaata
Habe amariisizo gaabo;
10 #
Isa 40:4, 11; Kush 7:16, 17. Tibarigira njara nari eiriho,
N'obu kwakuba okwokibwa ekibabo ky'eizooba nari omushana;
Ahabw'okuba Ogwo obainiire esaasi aryabeebembera,
Abahitsye aha nshuro z'amaizi.
11Kandi enshozi zangye zoona ndyazigira omuhanda,
N'emihanda yaangye rugyendwa eryatunguurwa.
12 #
Zab 107:3. Reeba, aba baryaruga hare,
Bariya barugye aha bukiizi-bwa-bumosho
N'obw'oburengyerwa-izooba,
N'abandi barugye omu nsi ya Sinimu.
13 #
Isa 40:1. Iwe iguru 'we, yeshongore; naiwe nsi 'we, yesiime;
Naimwe nshozi 'we, muteere akaari, mweshongore!
Ahabw'okuba MUKAMA ahuumuriize abantu be,
Kandi abantu be abarikubonabonesibwa aryabagirira esaasi.
14 #
Isa 40:27; 54:6. Kwonka Saayuuni agizire ati: MUKAMA antisigireho,
Mukama wangye anyebirwe.
15 #
Zab 27:10. Omukama naabaasa kwebwa omwana we ou arikwontsya,
Abure kugirira esaasi omwana orugire omu nda ye?
Nangwa bo bakaabaasa kwebwa,
Kwonka nyowe tindikwebwa.
16 #
Kyesh 8:6. Reeba, nkusharwire aha biganja by'engaro zangye,
Orugo rwawe ruryaguma omu maisho gangye obutoosha.
17Abombeki baawe nibarahutsya kukwombeka;
Kandi abacwekyerezi baawe n'abaakugizire amatongo
Nibaija kukurugamu.
18 #
Isa 60:4; Kub 14:21; Yer 43:12. Imutsya amaisho gaawe, oreebe;
Bariya boona nibeeteerana kwija ahariiwe.
Niinyerahira, nikwo MUKAMA arikugamba,
Boona oryabajwara nk'eihunde,
Obeezirikye, obe nk'omugore.
19 #
Zek 10:10. Buzimazima emyanya yaawe ey'amatongo n'eyaatsigirweho,
N'ensi yaawe eyaacwekyereziibwe,
Eryafundira abatuuzi baawe,
Kandi abaakumizire baryaba hare.
20 #
Isa 54:1. Abaana abaazairwe omu biro by'okufiisa kwawe,
Baryakugambira omu kitu nibagira bati:
Omwanya ogu gutufundiire;
Tubonere omwanya gw'okutuuramu.
21Obwo oryagira omu mutima gwawe oti:
Aba baana, n'oha owaabanzaariire?
Ka naafiisize abangye, nkaba engumba,
Encuubwa kandi ekizengyerezi;
Mbwenu owaayoroire aba n'oha?
Ka naatisigaire nyenka;
Mbwenu aba barugire hi?
22 #
Isa 11:12; 14:2. Oku nikwo Mukama RUHANGA arikugamba naagira ati:
Reeba, ndyaimukiza amahanga omukono gwangye,
N'enganda nzeetese orurango rwangye;
Obwo baryareeta batabani baawe, babaine omu kifuba,
Na bahara baawe babaheekire aha mabega.
23 #
Isa 40:31; 60:3, 14, 16; Zab 25:3; 72:9. Abagabe baryaba baasho bakworore,
N'abaigarire babe baanyoko bakwontwye.
Baryakwinamira, bajuumare ahansi,
Barigatse omucuucu gw'aha bigyere byawe.
Obwo nibwo orimanya ku ndi MUKAMA;
Kandi abarikuntegyereza tibarikwatwa nshoni.
24Ab'amaani nibabaasa kwakwa eminyago,
Nari enkwatwa z'abarikuhatwa kwihwa omu mikono yaabo?
25 #
Luk 11:21, 22. Oku nikwo MUKAMA arikugamba naagira ati:
Buzimazima enkwatwa z'ab'amaani ziryaihwayo,
N'eminyago y'abarikuhata eryagarurwa,
Ahabw'okuba niinye ndikurwanira n'abarikukurwanisa,
Nkajuna n'abaana baawe.
26 #
Kush 16:6. Abarikukuhata ndyabagyema kurya enyama yaabo,
Kandi baryasinda eshagama yaabo nk'oku basinda viinyo.
Batyo abantu boona baryamanya
Ku ndi MUKAMA omujuni waawe,
Kandi Omucunguzi waawe, Ow'amaani wa Yakobo.
Currently Selected:
Isaaya 49: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
