Isaaya 46
46
Okugyeragyeranisa Ruhanga na baaruhanga ba Babulooni
1 #
Isa 21:9; Yer 50:2. Beeli nainama, Neebo naabandama,
Ebishushani byabo byekoreirwe enyamaishwa n'amatungo.
Ebintu ebi mwekorera bihindukire emitwaro
Erikwekorezibwa enyamaishwa eziruhire.
2Nibainama, nibabandamira hamwe,
Tibarikubaasa kwihaho egyo mitwaro,
Kureka nayo yaatwarwa omu bukwatwa.
3 #
Bir 1:35. Iwe nju ya Yakobo 'we, ntega okutu;
Naimwe ab'enju ya Israeli abaahonokireho,
Abu ntuura mpeekire,
Okwiha obu mwaruga omu nda mukazaarwa,
4 #
Zab 71:18. Mukahika n'omu bugurusi, nkiba We;
Kandi muryarugaho mumere enju nkibaheekire.
Niinye naahangire, kandi niinye ndiheeka;
Ndyaheeka, kandi njune.
5Mukaanshushanisa n'oha, ou mwakuunyiganisa nawe,
Mukangyeranisa nawe, tukashushana?
6Abafukunkura ezaabu omu nshaho,
Bakapima efeeza aha minzaani,
Baguriirira omuheesi w'ezaabu, aziheeshamu ruhanga;
Batyo bajuumara omu maisho g'ekyo kishushani, bakiramya!
7 #
Zab 115:7. Bakita aha mabega, bakiheeka;
Bakita omu mwanya gwakyo, kyemereramu;
Tikibaasa kugurugamu;
Omuntu ku akitakira, tikimugarukamu,
N'obu kwakuba okumujuna omu kabi.
8Imwe abarikucumura, mwijukye ebyo,
Mweyorekye ku muri abashaija; mugarukye mubiteekateekyeho.
9Mwijukye ebyabandize kubaho ira,
Ahakuba niinye Ruhanga, tihariho ondiijo;
Niinye Ruhanga; tihariho orikushushana naanye,
10 #
Zab 33:11; Heb 6:17. Okwiha aha kutandika nkaranga eby'emperu,
Naiha omu biro bya ira, nindanga ebitakabaireho,
Ningira nti: Enaama yangye eryahama,
Mpikiirize ebi naamaririire kukora byona.
11 #
Isa 41:2; Kub 23:19. Ndyayeta empungu, erugye oburugwa-izooba,
Omushaija oine enaama zangye arugye omu nsi ya hare.
Nkakigamba, kandi ndyakihikiiriza,
Nkakimariirira, kandi ndyakukora.
12Mumpurire, imwe abaine emitima egangaire,
Abari hare n'okuhikiirira;
13 #
Isa 56:1; Zab 85:9; Yoel 2:32. Reeba, nairiza haihi okuhikiirira kwangye,
Tikuri hare munonga,
N'okujuna kwangye tikurituurayo;
Ndyakuta omuri Saayuuni
Ahabwa Israeli ekitiinisa kyangye.
Currently Selected:
Isaaya 46: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
