Isaaya 47
47
Ebifubiro bya Babulooni
1 #
Isa 3:26; 48:14; Zab 137:8. Iwe Babulooni oshugaine, Shuuma, oshutame omu mucuucu!
Iwe Bukaludaaya 'we,
Shutama ahansi, otakiri ha kitebe ky'obugabe;
Ahabw'okuba torigaruka kwetwa ojarami,
Nari ogwirwe gye.
2 #
Isa 20:4; Bar 16:21; Mat 24:41. Kwata eseiso, ose;
Oyeshuuruure ahamaisho;
Hinyirira ekiteetei kyawe, oyeshuuruure amaguru,
Orabe omu migyera, oyambukye.
3Enjuuro yaawe eryareebwa,
N'enshoni zaawe ziryareebwa butunu.
Ndyahoora enzigu, tindisaasira muntu n'omwe.
4Omucunguzi waitu, eiziina rye ni MUKAMA ow'amahe,
Orikwera wa Israeli.
5 #
Yer 8:14. Iwe Bukaludaaya 'we,
Shutama ohuname, oze omu mwirima,
Ahabw'okuba torigaruka kwetwa
Omugabekazi w'ensi z'abagabe.
6 #
Isa 14:17; 51:23; Zek 1:15. Nkagwerwa kubi abantu bangye,
Naagayisa obuhunguzi bwangye;
Naabahayo omu mikono yaawe,
Tiwaabasaasira na kakye,
Abagurusi waabakorera omutwaro guremeire munonga;
7Waagira oti: Ndyaba omugabekazi ebiro byona.
Ebyo tiwaabyetaho,
Kandi tiwaijuka bugarukoro bwabyo.
8 #
Isa 51:19; Yer 50:29, 31; Tonz 1:1; Zef 2:15; Kush 18:7. N'ahabw'ekyo hurira ebi, iwe oyehaireyo kukora eby'okweshemeza,
Okashutama otaine ki oyetaireho,
Okagira omu mutima gwawe oti:
Niinye ndiho, tihariho ondiijo okwihaho nyowe.
Tindiba mufaakazi,
Kadi tindifiisa baana.
9 #
Nah 3:4. Kwonka eizooba rimwe ebyo byombi biryakuhikaho kitaraariire,
Okufiisa abaana n'obufaakazi biryakugwaho bitatuubiibweho,
N'obu oburogi bwawe buraabe buri bwingi buta,
N'okubandwa kwawe kurengyesereize munonga.
10Ahabw'okuba oyesigire obugomi bwawe,
Waagira oti: Tihariho ori kundeeba;
Obwengye bwawe n'okumanya kwawe nibyo bikuhabize,
Okagira omu mutima gwawe oti:
Niinye ndiho; tihariho ondiijo okwihaho nyowe.
11 #
Yer 51:41. Kwonka oryahikwaho akabi,
Aku otarikubaasa kuzibira;
Oryagwerwa akagwe,
Aku otaribaasa kweihaho;
N'okucwekyerera oku otakamanyaga
Kuryakuhikaho kitaraariire.
12Mbwenu gumira aha kubandwa kwawe
N'oburogo bwawe oburengyesereize,
Ebi waafeereire kubi okwiha omu buto;
Obundi nyentsya biryagira eki byakugasira,
Oitse abantu obwoba.
13 #
Isa 44:25; Dan 2:2, 10. Enaama zaawe nyingi zikuruhize.
K'abantu abaragura eby'eiguru n'enyonyoozi
N'eby'okuboneka kw'ameezi
Baimukye, bakujune ebirikubaho.
14 #
Isa 10:17; Mal 4:1. Reeba, baryaba nk'ebitsintsi by'embuba,
Omuriro gguryabootsya;
Tibaryeiha mu maani g'okubuguma kwagwo.
Ogwo muriro tiguriba makara g'okwota,
N'obu kwakuba okushutamwaho!
15Okwo nikwo abo abu waabaire ofa kubi nabo barikubeera,
Abaabaire baashuubura naiwe okwiha omu butsigazi bwawe;
Baryayegyendera, buri omwe atoore omuhanda gwe;
Obure ow'okukujuna.
Currently Selected:
Isaaya 47: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
