Popular Bible Verses from Isaaya 46

Share

Okwiha aha kutandika nkaranga eby'emperu, Naiha omu biro bya ira, nindanga ebitakabaireho, Ningira nti: Enaama yangye eryahama, Mpikiirize ebi naamaririire kukora byona. Ndyayeta empungu, erugye oburugwa-izooba, Omushaija oine enaama zangye arugye omu nsi ya hare. Nkakigamba, kandi ndyakihikiiriza, Nkakimariirira, kandi ndyakukora.

Mukahika n'omu bugurusi, nkiba We; Kandi muryarugaho mumere enju nkibaheekire. Niinye naahangire, kandi niinye ndiheeka; Ndyaheeka, kandi njune.

Mwijukye ebyabandize kubaho ira, Ahakuba niinye Ruhanga, tihariho ondiijo; Niinye Ruhanga; tihariho orikushushana naanye

Iwe nju ya Yakobo 'we, ntega okutu; Naimwe ab'enju ya Israeli abaahonokireho, Abu ntuura mpeekire, Okwiha obu mwaruga omu nda mukazaarwa