Isaaya 42
42
Ebya Kristo omuheereza wa Ruhanga
1 #
Isa 2:4; 11:2; 41:8; 42:19; 52:13; 61:1; Mat 3:17; 12:18-21; Byak 3:26; 4:27; Fil 2:7. Reeba omuheereza wangye, ou ndamira,
Ou naatooraine, ou omutima gwangye gushemerererwa;
Mmutaireho Omwoyo wangye;
Aryareetera amahanga eby'oburyo.
2Taritongana, tariyomba,
N'eiraka rye tiririhurirwa mu mihanda.
3 #
Isa 57:15. Orubingo orushatukire tariruhenda,
N'orurimi orurikwaka kubi tariruraaza;
Aryayoreka eby'oburyo omu mazima.
4 #
Isa 2:3; 60:9. Tariremwa n'obu kwakuba okucuubwa omuhimbo,
Okuhitsya obu ariteeraho kimwe eby'oburyo omu nsi;
N'ebirwa biryategyereza ebiragiro bye.
5 #
Isa 44:24; 45:12; Byak 17:25. Oku nikwo Ruhanga MUKAMA arikugamba,
Owaahangire eiguru, akaribamba,
Owaashashaanwire ensi, akagibuzya ebigirugamu.
Abantu baamwo akabaha omwitsyo,
N'abarikugigyendamu akabaha omwoyo.
6 #
Isa 49:6, 8, 9; Luk 2:32. Nyowe MUKAMA, nkakwetera omu kuhikiirira,
Ndyakukwata omukono, ndyakurinda,
Nkuhe okuba endagaano y'abantu
N'omushana gw'okumurikira amahanga,
7 #
Isa 35:5; 61:1; Luk 1:79; Heb 2:14, 15. Okuhumuura amaisho g'empumi,
Okwiha embohe omu kihome,
N'abashutami omu mwirima, okubaiha omu nju y'embohe.
8 #
Isa 48:11. Ndi MUKAMA; eryo niryo iziina ryangye,
Ekitiinisa kyangye tindikiha ondiijo,
N'obu kwakuba okuha ebishushani ebibaizirwe okuhimbisibwa kwangye.
9 #
Isa 43:19. Reeba, ebyahanwirwe ira, mbwenu bihikiriziibwe,
Hati nimbarangira ebisya,
Nimbibagambira bitakabaireho.
10 #
Zab 33:3; 107:23. Mweshongorere MUKAMA ekyeshongoro kisya,
Naimwe abari aha muheru gw'ensi, mweshongore eby'okumusingiza!
Reka enyanja ehinde n'ebigirimu byona,
N'ebirwa n'ababitwiremu.
11Ka eihamba n'endembo zaamwo biimutsye amaraka gaabyo,
N'ebirwa ebitwirwemu Abakedari;
Abatuuzi ba Seela beeshongore ahabw'okushemererwa,
Bateerere akaari aha mitwe y'ebibungo.
12Bahe MUKAMA ekitiinisa,
Baruangy eokuhimbisibwa kwe omu birwa.
13 #
Isa 59:17; Zab 78:65. MUKAMA aryahurura nk'omushaija emanzi;
Aryaimutsya ekiniga kye, nk'omushaija omanyiire engamba,
Ahigye, agambe n'eiraka rihango,
Ayeyorekye abazigu be ku ari emanzi.
14Mmazire omwanya muhango mpunami,
Ntarikuteeza, kandi nyegumize;
Hati naaza kutaka nk'omukazi orikurumwa,
Mpeere, nsheemeekye.
15 #
Isa 50:2. Ndyacwekyereza enshozi n'ebibungo,
Nyomye obunyaatsi bwabyo bwona;
Kandi emigyera ndyagihindura ebirwa
N'ebiyanja mbyomye.
16 #
Isa 35:5, 8; 40:4. Empumi ndyazikwatira oruhimbo,
Nzitooze omuhanda ogu zitarikamanya,
Nzirabye omu tuhanda otu zitakamanyaga.
Ndyahindura omwirima omushana omu maisho gaazo,
N'emyanya etaringaniire ngiringaanize.
Ebyo ndyabikora, tindibahemukaho.
17 #
Isa 1:29; 45:16; Zab 97:7. Kwonka abarikwesiga ebishushani ebibaizirwe,
Bakagira ebishushani ebiyagiibwe bati:
Niimwe baaruhanga baitu,
Baryagarurwa enyima, bahemurirwe kimwe.
18Imwe bifa-matu 'mwe, muhurire;
Naimwe empumi, mubuuruure mubone kuhweza!
19N'oha ori empumi okwihaho omuheereza wangye,
Nari ekifa-matu nk'entumwa ei ndikutuma?
N'oha ohumire nk'owangye owaayehaireyo,
Nari empumi nk'omuheereza wa MUKAMA?
20 #
Yer 6:10. Areeba bingi, kwonka tabyetegyereza,
Amatu ge gaigwire, kwonka tarikuhurira.
21MUKAMA ahabw'okuhikiirira kwe akasiima
Kukuza ebiragiro bye n'okubiha ekitiinisa.
22 #
Isa 14:17. Kwonka eri n'eihanga eryakirwe ebyaryo, rikagaruka rikanyagwa.
Abantu baamwo boona bagwire omu busya,
Kandi basherekirwe omu bihome.
Bahindukire enkwatwa, baabura kijuna,
Baaba eminyago, baabura owaagira ati: Mubibagarurire.
23 #
Mat 13:9. Ebyo omuriimwe hariho otegire amatu,
Akataho omutima kuhurira eby'obunaku oburiija?
24N'oha owaahaireyo Yakobo kunyagwa,
Kandi akahayo Israeli omu bambuzi?
Ti MUKAMA ou twacumwireho,
Kandi ou bataraikiriize kugyendera mu mihanda ye,
N'okworobera ebiragiro bye?
25 #
Hos 7:9. Nikyo yaamushukiireho ekiniga kye ekirikwaka nk'omuriro
N'engamba z'amaani,
Kikamwotsya embaju zoona, kwonak atakimanye,
Kikamubabura, kwonka atakyeteho.
Currently Selected:
Isaaya 42: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
