Popular Bible Verses from Isaaya 42

Share

Nyowe MUKAMA, nkakwetera omu kuhikiirira, Ndyakukwata omukono, ndyakurinda, Nkuhe okuba endagaano y'abantu N'omushana gw'okumurikira amahanga, Okuhumuura amaisho g'empumi, Okwiha embohe omu kihome, N'abashutami omu mwirima, okubaiha omu nju y'embohe.

Ndi MUKAMA; eryo niryo iziina ryangye, Ekitiinisa kyangye tindikiha ondiijo, N'obu kwakuba okuha ebishushani ebibaizirwe okuhimbisibwa kwangye.

Reeba omuheereza wangye, ou ndamira, Ou naatooraine, ou omutima gwangye gushemerererwa; Mmutaireho Omwoyo wangye; Aryareetera amahanga eby'oburyo.

Orubingo orushatukire tariruhenda, N'orurimi orurikwaka kubi tariruraaza; Aryayoreka eby'oburyo omu mazima. Tariremwa n'obu kwakuba okucuubwa omuhimbo, Okuhitsya obu ariteeraho kimwe eby'oburyo omu nsi; N'ebirwa biryategyereza ebiragiro bye.

Empumi ndyazikwatira oruhimbo, Nzitooze omuhanda ogu zitarikamanya, Nzirabye omu tuhanda otu zitakamanyaga. Ndyahindura omwirima omushana omu maisho gaazo, N'emyanya etaringaniire ngiringaanize. Ebyo ndyabikora, tindibahemukaho.

Reeba, ebyahanwirwe ira, mbwenu bihikiriziibwe, Hati nimbarangira ebisya, Nimbibagambira bitakabaireho.