Isaaya 43
43
Okucungurwa kw'Abaisraeli
1 #
Isa 41:14; 45:3, 4; Kut 32:28. Kwonka hati MUKAMA owaakuhangire, iwe Yakobo,
Kandi akakubumba, iwe Israeli, naagira ati:
Otatiina, ahabw'okuba nkakucungura,
Naakweta omu iziina, ori owangye.
2 #
Zab 66:12; Dan 3:25, 27. Ku oriraba omu maizi, ndyaba nkwine;
Ku oriraba omu migyera, terikutwara;
Ku origyendera omu muriro, torisya,
N'ebirimi byagwo tibirikubabura.
3 #
Isa 45:14. Ahabw'okuba ndi MUKAMA Ruhanga waawe,
Orikwera wa Israeli, kandi Omujuni waawe.
Nkahayo Misri kuba eky'okukucungura,
Esiopia na Seeba nkazihayo ahabwawe.
4Ahabw'okuba okambeera enkora-mutima,
Waaba ow'okuheebwa ekitiinisa, naanye naakukunda,
Nikyo ndiheerayo abantu ahabwawe,
N'amahanga ahabw'amagara gaawe.
5 #
Isa 49:12; 60:8, 9; Zab 107:3; Yer 30:10, 11. Otatiina, ahabw'okuba nkwine;
Ndyareeta oruzaaro rwawe, ndwihe oburugwa-izooba.
6Ndyagambira obukiizi-bwa-bumosho nti: Barekure!
N'obukiizi-bwa-buryo nti: Otabaanyima;
Ndeetera batabani bangye barugye hare,
Na bahara bangye barugye aha muheru gw'ensi,
7Buri muntu weena orikwetererwa eiziina ryangye,
Ou naahangire kumpaisa ekitiinisa.
Eego niinye naamuhangire, kandi niijye naamubumbire.
8 #
Isa 42:19. Shohoza abantu abaine amaisho, kwonka bahumire,
Kandi abaine amatu, kwonka gafiire.
K'amahanga goona gateeranire hamwe,
Enganda zoona ziteerane.
9 #
Isa 41:21, 22. Hariho omuribo abaakubaasa kugamba eki,
Bakatworeka ebyabaireho ira?
Ka bareete baakareebi, basingye orubanja,
Babone kuhurira, bagire bati: N'eky'amazima.
10 #
Isa 41:4; 44:8. MUKAMA naagira ati: Imwe n'omuheereza wangye ou naatooraine,
Muri baakareebi b'okuhamya ebyangye,
Ngu mubone kummanya, muunyikirize,
Mwetegyereze ku ndi We.
Ntakabaireho, tihariho ruhanga orabaireho,
Kandi tihariho oribaho akankurata.
11 #
Isa 45:21; Hos 13:4. Nyowe nyenka, niinye MUKAMA,
Kandi tihariho ondiijo mujuni kureka nyowe.
12Niinye naarangire eby'okujunwa, nkabyoreka,
Obwo hatariho ruhanga w'enduga-mahanga omuriimwe.
Nikyo mubeereire baakareebi bangye b'okukihamya,
Nikwo MUKAMA arikugamba.
13 #
Isa 14:27; Yob 9:12; Zab 90:2; Yoh 8:58. Niinye MUKAMA, kandi okuruga hati
Niinyija kuguma ndi We.
Kandi tihariho orikubaasa kwiha ekintu kyona omu mikono yangye;
Niinyija kukora; n'oha orikubaasa kukizibira?
14 #
Isa 43:4; 47:1. MUKAMA omucunguzi waanyu,
Orikwera wa Israeli naagira ati:
Ahabwanyu ndyatuma Babulooni,
Nshuumye abaayo boona bari empungi,
Nibo Bakaludaaya, bahungye n'emeeri zaabo,
Ezi baabaire nibeesiimira.
15Ndi MUKAMA, Orikwera waanyu,
Omuhangi wa Israeli, kandi Mukama waanyu.
16 #
Kur 14:1-31; Zab 77:19; Isa 51:10. Oku nikwo MUKAMA arikugamba,
Orabya omuhanda omu nyanja,
N'akahanda omu maizi maingi,
17 #
Isa 1:31; Zab 76:5, 6. Akashohoza ebigaari n'embaraasi,
N'eihe ry'engabo, n'abarwani b'engamba;
Babyama hamwe, tibabaasa kwimuka,
Baraazibwa nk'oku baraaza orumuri;
18 #
Yer 16:14. Naagira ati: Ebya ira murekye kubiijuka,
N'ebyahingwire, murekye kubyetaho.
19 #
Isa 35:8; 41:18; 48:21; Kush 21:5. Reeba, naaza kukora ekintu kisya,
Hati kyaza kwatuka; timurikukireeba?
Ndyarabya omuhanda omu ihamba,
N'emigyera omu ihamba ry'omusheenyi.
20 #
Isa 49:10. Enyamaishwa z'omu ishwa, zaamuha na zaamaaya,
Ziryampa ekitiinisa,
Ahabw'okuba nindeeta amaizi omu ihamba,
N'emigyera omu ihamba ry'omusheenyi
Kunywaisa abantu bangye abatoorainwe,
21 #
Zab 79:13; 105:1; 1 Pet 2:9. Abu naayehangiire,
Ngu bamanyise eby'okuhimbisibwa kwangye.
22Kwonka, iwe Yakobo torantakiire,
Iwe Israeli, okantamwa!
23 #
Amo 5:25; Mik 6:3. Torandeeteire ntaama zaawe kuba empongano z'okwotsya,
Kandi tompaisize kitiinisa bitambo byawe.
Tinkuhenzire n'emitoijo,
N'obu kwakuba okukurusya n'obubaane bw'okuunyokyeza.
24 #
Yer 6:20. Tonguriire bikoijo n'empiiha zaawe,
Kandi tonyigutsize bishaju by'ebitambo byawe,
Kureka ompenzire n'ebibi byawe,
Wandusya n'eby'okutahikiirira byawe.
25 #
Isa 44:22; Ezk 36:25, 26. Nyowe, nyowe nyenka, niinye orikuragaza
Ebicumuro byawe, nkakwesaasirira,
Kandi ebibi byawe tindibiijuka.
26 #
Isa 1:18. Nyijutsya, tutongane;
Tongana ebyawe, obone kusinga.
27 #
Yer 5:31; Ezk 16:3. Shwenkuru ow'okubanza akashiisha,
N'abatonganizi baawe bancumuraho,
28 #
Yer 24:9; Tonz 2:2. Nikyo naagayisiize abakuru b'Omwanya ogurikwera,
Nkagira Yakobo ekijumo,
Na Israeli eky'okukyeenwa.
Currently Selected:
Isaaya 43: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
