Isaaya 40
40
Okuhanuura kwa nabi aha bya Yohaana Omubatizi
1Muhuumurize abantu bangye, mubahuumurize,
Nikwo Ruhanga waanyu arikugira.
2 #
Zab 68:4; Mal 3:1; Mak 1:3; Yoh 1:23. Mugambire Yerusaalemu n'embabazi,
Mugirangire n'eiraka rihango,
Ku engamba zaayo zihweire,
Ku okutahikiirira kwayo kusaasirwe,
Kandi ku MUKAMA agihaire kabiri ekifubiro
Neeturwa ebibi byayo byona.
3 #
Isa 5:24. Muhurire eiraka ry'orikuranga naagira ati:
Mushemeze omuhanda gwa MUKAMA omu ihamba,
Mugororere MUKAMA omuhanda rugyndwa omu ihamba ry'omusheenyi.
4 #
Luk 3:5, 6. Empanga zoona ziryatunguurwa,
N'enshozi zoona n'ebibungo biryabandikwa;
Ebitegami biryagororwa,
N'emyanya etaringaniire eryaringanizibwa,
5Kandi ekitiinisa kya MUKAMA kiryashuuruurwa,
Abantu boona bakireebere hamwe,
Ahakuba akanwa ka MUKAMA niko kaakigamba.
6 #
Yob 14:2; Zab 103:15; 1 Pet 1:24, 25. Eiraka nirigira riti: Ranga!
Naanye naagira ati: Ndangye ki?
Emibiri yoona eba nk'obunyaatsi,
N'oburungi bwayo bwona buba nk'orurabyo rw'obunyaatsi.
7Obunyaatsi buhonga, n'orurabyo ruhunduura,
Ahakuba MUKAMA arwikiza omwitsyo gwe.
Buzimazima abantu n'obunyaatsi.
8 #
Yak 1:10, 11. Obunyaatsi buhonga, orurabyo ruhunduura,
Kwonka ekigambo kya Ruhanga waitu kiryagumaho ebiro byona.
9 #
Isa 52:7. Iwe Saayuuni, orikuranga amakuru marungi,
Irooko otembe orushozi ruraingwa;
Iwe Yerusaalemu, orikuranga amakuru marungi,
Imutsya eiraka ryawe n'amaani;
Riimutsye, orekye kutiina;
Ogambire endembo za Yuda oti:
Reeba Ruhanga waanyu!
10 #
Isa 62:11; Kush 22:12. Reeba, Mukama RUHANGA naija n'amaani,
Naategyekyesa omukono gwe;
Reeba, naija aine ebihembo,
N'enzimuurano ye emwebembeire.
11 #
Mat 18:12; Luk 15:5; Yoh 10:3; 21:15. Aryariisa obusyo bwe nk'omuriisa,
Aryakiikira abaana b'entaama ze omu mikono,
Abatwarire omu kifuba kye,
N'ezirikuhaka azishotoore.
Eby'obukuru bwa Mukama
12 #
Enf 30:4. N'oha orarengire amaizi g'omu nsi yoona omu ngaro ze,
Akateera eiguru ekita,
Akata omucuucu gw'ensi yoona omu ndengo,
Akapima enshozi n'ebibungo aha minzaani?
13 #
Rom 11:34; 1 Kor 2:16. N'oha orahabwire Omwoyo wa MUKAMA,
Akamwegyesa nk'omuhi w'obwengye we?
14 #
Yob 21:22. N'oha ou areebuurizeho obwengye kumuhabura,
Kandi n'oha oramwegyeise emihanda y'eby'oburyo,
Akamwegyesa okuamanya n'okwetegyereza?
15 #
Isa 29:5. Reeba, amahanga ni nk'eitondo ry'omu ndobo,
Kandi nigagyeranisibwa n'omucuucu gw'aha minzaani;
Reeba, akiriza ebirwa nk'orikukiriza akantu kakye munonga.
16 #
Zab 50:10. Lebanooni tekaarugwamu nku zirikumara,
Kandi n'enyamaishwa zaayo tizikaamara kuba ekitambo ky'okwotsya.
17 #
Zab 62:9; Dan 4:35. Amahanga goona ni busha omu maisho ge,
Ahariwe ni busha, nangwa nigabarwa nk'agarikukirwa busha.
18 #
Isa 46:5; Byak 17:29. Mbwenu n'oha ou waakushushanisa na Ruhanga,
Nari mukaamushushanisa na kintu ki?
19 #
Hos 13:2. Reeba ekishushani ekiheesire! Omukozi akiheesha,
Omuheesi w'ezaabu akishweka ezaabu,
Kandi akiheeshera emikuufu y'efeeza.
20 #
Yer 10:3-5. Omworo otarikubona ky'okuhonga nk'ekyo,
Ashrura ekiti ekitarikujunda,
Bwanyima ayesherurira omukozi omunyamwoga
Kutaho ekishushani ekibaizirwe ekitarikubaasa kugwa.
21 #
Byak 14:17; Rom 1:19, 20. Timukamanyaga? Timukahuriraga?
Timukakigambirwaga okuruga iranaira?
Timukeetegyerezaga okuruga aha kuhangwa kw'ensi?
22 #
Kub 13:33; Yob 9:8. Niwe Ogwo oshutama ahaiguru y'ensi eyebumburikire.
N'abagituuramu bakaba nk'eseenene,
Niwe abamba eiguru nk'omukingo,
Akariteera nk'eihema ry'okuraaramu,
23 #
Yob 12:21. Ocwa busha abanyiginya,
Akahindura abategyeki b'omu nsi busha.
24 #
Zab 83:13. Ku baba nibakibyarwa bati, nibakibibwa bati,
Ekitsintsi kyabo nikikitsimba emizi omu itaka,
Ruhanga akibahuuha, bahotoka,
Akasooroor kabatwara nk'ekumbwe.
25N'oha ou mwakungyeranisa nawe,
Tukaingana?
Nikwo Orikwera arikubuuza.
26Mwimutsye amaisho gaanyu ahaiguru, mureebe;
N'oha owaahangire biriya?
Niwe Ogwo oshohoza amahe gaabyo omu mitwe,
Byona akabyeta omu maziina;
Ahabw'obukuru bw'amaani ge,
Kandi ahabw'okuba ow'amaani omu bushoboorozi,
Tihariho na kimwe ekibuzireho.
27Iwe Yakobo, ningira Israeli, ahabw'enki nooyesaasira noogra oti:
Omuhanda gwangye gusherekirwe MUKAMA, tarikugureeba,
Kandi n'ebyangye Ruhanga wangye tarikubyetaho?
28 #
Yob 11:7; Zab 121:4. Tokamanyaga? Tokahuriraga?
MUKAMA ni Ruhanga otahwaho,
Owaahangire emperu z'ensi.
Tagwa nshazi, n'obu kwakuba okuruha;
Okucondooza obwengye bwe tikurikubaasika.
29Abarikugwa enshazi abaha amaani,
Kandi n'otarikwebaasa, amwongyeraho amaani.
30Abarikunyeeta baryagwa enshazi, baruhe,
N'abatsigazi baryaghweramu kimwe amaani,
31 #
Zab 103:5. Kwonka abategyereza MUKAMA
Baryagarukwamu amaani,
Batumbiikye ahaiguru n'amapapa nk'amashamba,
Baryairuka, tibariruha,
Baryagyenda, tibarigwa nshazi.
Currently Selected:
Isaaya 40: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
