Isaaya 39

Hezekia okworeka entumwa za Babulooni obutungi bwe

1 # 2 Bag 20:12-19. Omu biro ebyo Merodaaki-baladaani mwene Baladaani omugabe wa Babulooni, akatuma ahari Hezekia entumwa, zaamutwarira ebaruha n'ekiconco, ahabw'okuba kaba ahuriire ngu arwaire.#2 Bus 32:31. 2#2 Bag 18:15, 16. Hezekia yaazaakiira n'okushemererwa, yaazooreka enju ye yoona omu abiika ebintu bye eby'obuguzi bwingi, efeeza, ezaabu emigaju, amajuta g'obuguzi bwingi, n'ahu abiika eby'okurwanisa bye, n'ebyshangirwe omu mabiikiro ge byona. Tihariho kintu na kimwe omu nju ye nari omu bugabe bwe bwona, eki atarazoorekire. 3Bwanyima nabi Isaaya yaija aha mugabe Hezekia yaagira ati: Barugahi? Hezekia yaagira ati: Barugire omu nsi ya hare Babulooni. 4Onu ati: Bareebire ki omwawe? Hezekia yaagarukamu ati: Byona ebiri omwangye babireebire; tihariho kintu kyona omu mabiikiro gangye eki ntaboorekire.

5Isaaya yaagira Hezikia ati: Mbwenu hurira ekigmbo kya MUKAMA ow'amahe. 6#2 Bag 24:13; 2 Bus 36:18. Reeba, obunaku buryahika, ebintu by'omu nju yaawe byona, n'ebi baashwenkuru baabiikire okuhitsya hati, bitwarwe Babulooni, harekye kugira ekyatsigaraho, nikwo MUKAMA arikugira. 7#Dan 1:3. Kandi bamwe ahari batabani baawe, abu oriba oyezaariire, baryatwarwa, bahindukye abakonwa omu kikaari ky'omugabe wa Babulooni. 8#1 Sam 3:18; 2 Bus 32:26. Bwanyima Hezekia yaagira Isaaya ati: Ekigambo kya MUKAMA eki waagamba ni kirungi. Ahakuba Hezekia ogwo akagira ati: Niho harikwija kubaho obusingye n'obuhooro omu biro byangye.

Currently Selected:

Isaaya 39: RR64

Highlight

Copy

Compare