Isaaya 26
26
Obusingye bw'abarikwesiga Ruhanga
1 #
Isa 60:18. Eryo izooba ekyeshongoro eki kiryayeshongorerwa omu nsi ya Yuda, nibagira bati:
Twine orurembo rugumire,
Ruhanga naataho okujunwa
Kuba orugo rwarwo orw'okurukingira.
2 #
Zab 118:19. Nimwigure amarembo,
Eihanga erihikiriire, kandi eririkwesigwa, ribone kutaahamu.
3Omuntu orikukwegyekyerera omutima gwe,
Oryamurindira omu busingye buzima,
Ahabw'okuba naakwesiga.
4Mwesigye MUKAMA ebiro byona,
Ahabw'okuba MUKAMA Yehova n'orukiri rutahwaho.
5 #
Isa 25:12. Niwe agarwire ahansi abatuura omu rurembo orurikwetunguura;
Yaarugarura ahansi, yaaruhitsya aha itaka,
Yaarunaga omu mucuucu.
6Ebigyere biryaruribatiirira,
Eby'abooro n'eby'abakyene.
7Omuhanda gw'abahikiriire gutebeekaine,
Kandi Iwe ohikiriire, niiwe ohabura abahikiriire omuhanda.
8 #
Kur 3:15. Ai MUKAMA, tutuura tukutegyereize
Omu muhanda gw'ebiragiro byawe;
Emitima yaitu neeyetenga eiziina ryawe n'okukwijuka.
9 #
2 Bus 33:11, 12; Zab 63:6; Kyesh 3:1. Omutima gwangye nigukugirira orushusho nyekiro,
Omwoyo oguri omuriinye nigwezirika kukusherura;
Ahabw'okuba ebiragiro byawe ku biba biri omu nsi,
Abagitwiremu beega eby'okuhikiirira.
10 #
Zab 73:3-11. Omubi n'obu akorerwa eby'embabazi
Tayega by'okuhikiirira;
N'omu nsi y'okuhikiirira akoreramu kubi,
Kandi tareeba bukuru bwa MUKAMA.
11 #
Isa 5:12; Zab 21:9; Mik 5:9. Ai MUKAMA, omukono gwawe gubangire,
Kwonka tibarikugureeba.
Ka bareebe obweziriki obu oiniire abantu baawe, baitwe enshoni,
Abazigu baawe omuriro gubamareho.
12MUKAMA, niiwe orituteeraho obusingye,
Ahabw'okuba emirimo yaitu yoona, niiwe ogitukorera.
13 #
Isa 2:8; 2 Bag 18:4-6. Ai MUKAMA Ruhanga waitu,
Abandi bagabe abatari Iwe nabo bakatutegyeka,
Kwonka eiziina ryawe ryonka niryo turikumanya.
14Abo bakafa, tibarigaruka kubaho;
Bakaba emizimu, tibarizooka;
Nikyo waabateereire okabacwekyereza,
Okatsibyatsibya okwijukwa kwabo kwona.
15 #
Isa 9:3; 54:2, 3. Ai MUKAMA, okanyiise eihanga ryaitu,
Okanyiise eihanga, waaheebwa ekitiinisa,
Kandi wairizayo emyatano yaaryo yoona.
16 #
Hos 5:15. Ai MUKAMA, ku baabaire bari omu busaasi noobahana,
Bakakusherura, baakushaba n'emitima yaabo yoona.
17 #
Isa 13:8. Nk'omukazi oine enda, ou obunaku bwe buhikire,
Oku arumwa, akaamuza omu kushaasha kwe,
MUKAMA, naitwe nikwo twabaire turi omu maisho gaawe.
18Tukaba twine enda, twarumwa,
Twaba nk'abazaire omuyaga.
Titwareetera nsi yaitu kujunwa,
Kandi abatuuzi b'omu nsi tibakagwaga.
19 #
Ezk 37:12; Dan 12:2; Hos 13:14. Abantu baawe abaafiire bayaba abahuriire,
Emitumbi yaabo ezookye.
Imwe abatuura omu mucuucu, musisiimukye,
Mweshongore ahabw'okushemererwa!
Ahakuba orume rwawe ni nk'orume rw'aha bunyaatsi,
Kandi omu nsi y'emizimu nimwo orirureka rukatonda.
20 #
Isa 10:25. imwe bantu bangye 'mwe, nimwije mutaahe omu bishengye byanyu,
Mube mwekingirainemu akaanya kakye,
Okuhitsya ahu ekiniga kiraahwere;
21 #
Mik 1:3. Ahabw'okuba MUKAMA naija kuruga ah'atuura,
Kuhana ab'omu nsi naabatura okutahikiirira kwabo.
Kandi ensi aryayoreka eshagama eyaagiseesirweho,
Kandi terigaruka kushweka bantu baayo abaitsirwe.
Currently Selected:
Isaaya 26: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
