Isaaya 27

Okuhana kwa Mukama n'okujuna kwe

1 # Isa 51:9; Zab 74:13, 14; Ezk 29:3. Eryo izooba MUKAMA aryahana Leviasaani, egyo njoka erikuhunga, kandi enjoka erikwenyogoora, agihanise rurara ye mpango kandi ey'amaani eine obwogi; kandi aryaita ekijoka ky'omu nyanja.

2 # Isa 5:7. Eryo izooba baryagira bati:

Reeba, omusiri gw'emizaabibu ya viinyo! Mugweshongore.

3Nyowe, MUKAMA, niinye murinzi waagwo;

Ndyaguma ngushukyeere amaizi buri mwanya,

Kandi ngurinde nyomushana na nyekiro,

Ngu hatagira owaagushiisha.

4 # Isa 10:17; 2 Sam 23:6, 7. Tiinyine kiniga;

Kwonka emikwatangwe n'amahwa ku byakwija kundwanisa,

Nkaabirwanisa, mbyotsya hamwe byona.

5Nari bankwate amaguru ngu mbarinde,

Babone kugira obusingye naanye;

Kandi bayabugira.

6 # Isa 37:31; Hos 14:5, 6. Ebiro ebiriija Yakobo aryatsimba emizi,

Israeli aryatooka, arabye ebirabyo,

Kandi baryabuzya ensi yoona ebijuma.

7 # Isa 37:18, 36-38; Hos 6:1, 2. Beitu abateire nk'oku yaateire abo abaabateire?

Nari shi baitsirwe, nk'oku abaabaitsire baitsirwe?

8 # Yer 18:17. Omu kubacwa omu nsi yaabo, okabahana noobabarira,

Aha izooba ry'omuyaga gw'oburugwa-izooba yaayemereza omuaga gw'eihunga.

9 # Bir 16:21; 2 Bag 18:4. N'ahabw'ekyo ebyo nibyo birireetera Yakobo kwihwaho okutahikiirira,

Kandi ebyo nibyo byana byona ebiriruga omu kumwihaho ekibi;

Ku ariheza kuhindura amabaare goona ag'eitambiro

Nk'amabaare g'ebisooni agahondagwirwe,

Tiharitsigaraho Ashera nari ekishushani ky'eizooba kyona ekirikuramibwa kyemereire.

10 # Isa 17:2, 9. Ahakuba orurembo rw'orugo rw'amabaare n'ekifurukwa,

amaju gaarwo gatsigirweho garimu busha nk'eihamba.

Okwo niyo enyana ziriira, zikazaagira,

Zikakonkobora amataagi gaayo.

11 # Bir 32:28. Amataagi gaayo ku garyoma, garyahendwaho,

Abakazi baije, bagahembe.

Ahakuba eihanga eri n'eihanga eritarikwetegyereza;

Nikyo Ogwo owaabahangire ataribagiririra saasi,

Owaababumbire ataribagiririra mbabazi.

12 # Kut 15:18. Eryo izooba MUKAMA aryahuura embibo okuruga aha mugyera Furaati okuhika aha kagyera ka Misri; naimwe Baisraeli 'mwe, muryatorotoorwa omwe omwe. 13#Isa 2:2; 11:11; Lev 25:9; Mat 24:31; Kush 11:15. Eryo izooba enzamba mpango eryateerwa, abaabaire nibenda kucwekyererera omu nsi ya Asiria, n'ababingiirwe omu nsi ya Misri, baryaija, baramize MUKAMA aha rushozi orurikwera Yerusaalemu.

Currently Selected:

Isaaya 27: RR64

Highlight

Copy

Compare