Isaaya 24
24
Akabi akarihika aha nsi
1Reeba, MUKAMA aryahwerekyereza ensi, agihindure amatongo,
Agijuumikye, ataataanise abagitwiremu.
2 #
Ezk 7:12; Hos 4:9. Kandi ebirihika aha bantu b'obutoosha, nibyo birihika n'aha banyamurwa;
Ebirihika aha muhuuku, nibyo birihika ahari mukama we;
Ebirihika aha muzaana, nibyo birihika ahari mugore we;
Ebirihika aha muguzi, nibyo birihika aha mutunzi;
Ebirihika aha muntu orikukuguza abandi, nibyo birihika aha muntu orikweguza;
Ebirihika aha muntu orikwihuza, nibyo birihika n'aha muntu orikwihuzibwa.
3 #
Isa 1:20. Ensi eryacwekyerezibwa, enyagirwe kimwe,
Ahakuba MUKAMA niwe agambire ekigambo eki.
4 #
Hos 4:3. Ensi neeganya, neehotoka,
Ensi yoona ehweire amaani, neehotoka;
Abeekuniki b'omu nsi bahweire amaani.
5 #
Isa 2:6, 8; Kub 35:33; Lev 26:15. Ensi esiisirwe abagitwiremu,
Ahabw'okuba basiisire ekiragiro, baihireho ebyatairweho,
Baita endagaano etahwaho.
6 #
Dan 9:11; Zek 5:3, 4; Mal 2:2. Nikyo omukyeeno guhereizeho ensi,
N'abatuuzi baamwo bakasingwa orubanja;
N'ahabw'ekyo abagitwiremu bookiibwe, baatsigara mbarwa.
7Viinyo neeganya, omuzaabibu guruhire,
Ab'emitima eshemereirwe nibatsinda.
8 #
Yer 7:34. Okusheka kw'abarikuteera enjogyera kucecekire,
Akaari k'abarikushemererwa kahunamire,
N'okushemererwa okurikureetwa enanga kuhweireho.
9Tibarigauka kunywa viinyo nibeeshongora,
Ebirikusinza biryashaarira abarikubinywa.
10Orurembo orubaire rujagaraire rusheenyukire,
Amaju goona gakingire, ngu hatagira owaataahamu.
11 #
Yoel 1:5, 12. Nibaboroogyera omu nguuto ahabw'okubura viinyo;
Ahu okushemererwa kubaire kuri, mbwenu n'ekizima;
Okwesiima kw'omu nsi kuhweireho.
12Orurembo tirutsigairwemu kindi kureka amatongo,
amarembo gaarwo gasheenyirwe, gaacwekyerezibwa.
13 #
Isa 17:6. N'ahabw'ekyo okwo nikwo biriba aha mahanga g'omu nsi;
Garyaba nk'omutiini ogurikutegyetsiba,
Nari nk'oku bahumba emizaabibu, eishaaruura rihweire.
14Baryaimutsya amaraka gaabo, beeshongore ahabw'okushemererwa,
Ab'oburengyerwa-izooba bateere akaari ahabw'ekitiinisa kya MUKAMA.
15 #
Isa 45:6. N'ahabw'ekyo imwe ab'oburugwa-izooba, muhimbise MUKAMA,
Naimwe abatwire aha mbaju z'enyanja,
Musiime eiziina rya MUKAMA, Ruhanga wa Israeli.
16 #
Isa 21:2; 26:2. Naitwe nituhurira ebyeshongoro by'eokuhimbisa, nibiruga aha muheru gw'ensi,
Nibasiima Ogwo orikwera munonga.
Kwonka nyowe ningira nti: Ai bambe, ka naareeba!
Mpweire aha magufa! Mpweire aha magufa!
Ahabw'okuba abarikureebya bareebize;
Buzimazima abarikureebya bareebize munonga.
17 #
Kut 7:11; Zab 18:7; Yer 48:43, 44. Iwe otwire omu nsi,
Obwoba, ekiina n'omutego bikuriho!
18Orikuhunga orwari rw'ebirikutiinisa
Naija kugwa omu kiina;
Kandi orikutemba kuruga omu kiina
Naija kukwatwa omutego,
Ahabw'okuba amadirisa g'eiguru gaigwire,
n'emisingi y'ensi neetetema.
19Ensi eyatikire kimwe,
Ensi eyabiire kimwe,
Ensi etengyetsiibwe munonga.
20 #
Isa 24:5, 6; 29:9. Ensi neegwererana nk'omusinzi,
Neezonga nk'akaju;
Okushiisha kwayo kugihingamiire,
Neija kugwa, kandi teriimuka bundi.
21 #
Isa 10:12; Zab 76:12. Eryo izooba MUKAMA aryafubira amahe g'ahaiguru omu iguru
N'abagabe b'ahansi omu nsi;
22 #
Mik 4:11, 12. Baryateeranirwa hamwe nk'oku embohe ziteeranirwa omu kiina;
Baryakingiranwa omu nju y'ekihome,
Kandi ku ahrihinguraho ebiro bingi, baryafubirwa.
23 #
Isa 13:10; Mik 4:7. Obwo okwezi kuryashoberwa,
N'eizooba riryakwatwa enshoni,
Ahabw'okuba MUKAMA ow'amahe arytegyekyera
Aha rushozi Saayuuni n'omuri Yerusaalemu,
Kandi aryayoreka ekitiinisa kye
Omu maisho g'abantu be abakuru.
Currently Selected:
Isaaya 24: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
