Isaaya 12
12
Embabazi za Mukama aha bantu be
1Eryo izooba muryagira muti:
MUKAMA, ninkusiima,
Ahabw'okuba, n'obu wangiriire ekiniga,
Kikatuuba; mbwenu ongarwire omutima omunda.
2 #
Kur 15:2; Zab 118:14. Reeba, Ruhanga niwe kujunwa kwangye,
Ndyaguma nimmwesiga, tinditiina;
ahabw'okuba MUKAMA Yehoova niwe maani gangye n'ekyeshongoro kyangye,
Kandi ahindukire okujunwa kwangye.
3 #
Yoh 4:14. Nikyo muriguma nimutahira amaizi omu maziba g'okujunwa mushemereirwe; 4#Zab 105:1; 145:4, 6; 148:13. kandi eryo izooba muryagira muti:
Musiime MUKAMA, mutakire eiziina rye,
Mubuzye omu mahanga ebi yaakozire,
Muryangye eiziina rye kuririkuhimbisibwa.
5Mwehongorere MUKAMA eby'okumuhimbisa,
Ahabw'okuba akozire eby'ekitiinisa.
Ebyo bibugye ensi yoona.
6 #
Isa 1:4; Hos 11:9. Iwe mutuuzi wa Saayuuni 'we, teera akaari,
Oyeshongore ahabw'okushemererwa,
Ahabw'okuba Orikwera wa Israeli ori omuriiwe ni mukuru.
Currently Selected:
Isaaya 12: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
