Isaaya 11
11
Okuhanuura ahari Yesu n'ebi arikora
1 #
1 Sam 17:12; Yer 23:5; Zek 3:8. Omu kitsintsi kya Yese haryatookamu akataagi,
N'omu mizi ye haryarugamu eitaagi.
2 #
Isa 61:1; Mak 1:10; Yoh 1:32; Byak 10:38. Omwoyo wa MUKAMA aryguma ahariwe,
Agire omwoyo gw'obwengye n'okwetegyereza,
Omwoyo gw'okuhanuura n'obushoboorozi,
Omwoyo gw'okumanya n'okutiina MUKAMA.
3 #
Yoh 7:24. Omu kutiina MUKAMA nimwo arishemerererwa;
Taricwa rubanja rw'amaisho,
N'obu rwakuba orw'okugambirwa,
4 #
Zab 72:2, 4; Mal 4:6; 2 Tes 2:8. Kureka aryacwera abooro emanja omu kuhikiirira
N'abacureezi b'omu nsi aryabashoboorora omu bwinganisa;
Kandi ensi aryagiteeza enkoni y'akanwa ke,
N'ababi aryabaitsa omwitsyo gwe.
5 #
Efe 6:14. Okuhikiirira kuryaba orukoba rwe rw'okwezirikisa,
N'obwesigwa bube orukoba omu bwezirikiro bwe.
6 #
Hos 2:18. Omushega guryataaha n'omwana gw'entaama,
N'engwe eryabyama n'omwana gw'embuzi,
Enyana n'entare n'enimi y'ekimasha ekigomokire biryaguma hamwe,
Kandi omwana muto niwe aribifunya.
7 #
Isa 65:25; Hab 2:14. Ente ziryariira hamwe n'edubu,
Abaana baazo baraare hamwe,
Kandi entare eryarya obunyaatsi nk'ente.
8Omwana orikwonka aryazaanira aha mwina gw'encwera,
N'omwana w'encuukye aryata omukono gwe aha kiina ky'empiri.
9Ebyo byona tibirikora kubi, n'obu kwakuba okwita
Aha rushozi rwangye rwona orurikwera;
Ahabw'okuba okumanya MUKAMA kuryabuga ensi yoona,
Nk'oku amaizi gabuga hoona omu nyanja.
Eby'okugarura Abaisraeli n'Abayuda abaatwairwe omu bukwatwa
10 #
Isa 49:22; Rom 15:12. Kandi eryo izooba Orikwetwa ekitsintsi kya Yese aryabeera amahanga orurango; niwe amahanga garyetuurira, n'obutaaho bwe buryagira ekitiinisa. 11#Isa 27:13; Yer 44:1; Zek 10:10. Eryo izooba Mukama aryagorora omukono gwe obwa kabiri kugarura abantu be abaahonokireho, naabaiha Asiria, Misri, Patiroosi, Esiopia, Elamu, Shinaari, Hamasi, n'aha birwa by'omu nyanja.
12 #
Isa 56:8; Yoh 7:35. Aryaimukiza amahanga orurango,
Ateeranire hamwe Abaisraeli abaabingirwe
N'Abayuda abaataataine,
Naabaiha aha nshonda ina z'ensi.
13 #
Isa 9:21; Ezk 37:16, 17. Eihari rya Efuraimu riryahwa,
Abarikuburabuza Yuda baryamarwaho;
Efuraimu tarigirira Yuda ihari,
Na Yuda tariburabuza Efuraimu.
14 #
2 Sam 8:1, 2, 14; 12:26; Yer 49:28. Baryahanantuka, bagwe aha mabega g'Abafilistia oburengyerwa-izooba,
Kandi baryakwatanisa, banyagye ab'oburugwa-izooba.
Baryabangira Edomu na Moabu emikono,
N'Abaamoni baryabakubuukira.
15 #
Isa 7:20. MUKAMA aryayomeza kimwe omukono gw'enyanja ya Misri,
Aryareeta omuyaga gwe ogurikwomya
Naarabya omukono gwe aha mugyera Furaati,
Aguteere, agucwemu emigyera mushanju,
Abantu babone kugwambuka enkaito zitajubire.
16 #
Isa 19:23; Kur 14:29. Kandi abantu be abaahonokireho
Baryabona omuhanda rugyendwa gw'okubaiha Asiria,
Nk'ogu Abaisraeli baaboine
Nibaruga omu nsi ya Misri.
Currently Selected:
Isaaya 11: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
