Isaaya 13
13
Ekifubiro kya Babulooni
1Eby'okuhanuura ebi Isaaya mwene Amozi yaareebire ahari Babulooni.
2 #
Isa 5:26. Mwimutsye orurango aha kibungo kiraingwa,
Mubarangire n'eiraka rihango,
Mubeetese omukono, bataahe
Omu marembo g'abakuru.
3Nyowe ndagiire abu naashoroire,
Naayeta amamanzi gangye agarikugyenda nigeesiima
Kuhikiiriza eki ndikwenda ahabw'ekiniga kyangye.
4Nimuhurire! Omu bibungo nihareetwamu orwari
Nk'orw'omutwe gw'abantu baingi munonga.
Muhurire oruyombo rw'amahanga agateeraniire hamwe!
MUKAMA ow'amahe naateerateerana amahe kuza aha rugamba.
5Garugire omu nsi ya hare aha muheru gw'eiguru,
Gari hamwe na MUKAMA n'eby'okurwanisa by'ekiniga kye,
Naaza kucwekyereza ensi yoona.
6 #
Yoel 1:15; Zef 1:7. Muboroogye, ahabw'okuba eizooba rya MUKAMA riri haihi;
Niriija nk'okucwekyereza okurikuruga aha W'obushoboorozi bwona!
7 #
Yer 6:24; Nah 2:10. N'ahabw'ekyo emikono yoona neija kuhwa amaani,
Buri muntu omutima gumuhwe omunda, bahahaare,
8Bagire obuhuruzi n'obusaasi,
Bashaashe nk'omukazi orikurumwa.
Baryareebana nibatangaara,
Amaisho gabatukure.
9Reeba, eizooba rya MUKAMA niriija,
Ritarikusaasira, riine ekiniga kingi,
Okuhindura ensi amatongo
N'okucwekyereza abasiisi baayo n'okubamaramu.
10 #
Ezk 32:7; Yoel 3:15; Mak 13:24. Ahakuba enyonyoozi z'omu iguru
Na zaakakaaga zaazo tiziryaka,
Eizooba riryairagura nirituruka,
N'okwezi tikuryaka.
11Ndyafubira ensi yoona ningitura eby'okushiisha byayo,
N'ababi ahabw'okutahikiirira kwabo;
Ndyamaraho emyehimbiso y'abanyamaryo,
Ntuubye emyekuniko y'abataine saasi.
12Abashaija baryaba ab'eicweka okukira ezaabu eshemeziibwe,
N'ekyetwa omuntu okukira ezaabu ya Ofiri.
13 #
Hag 2:6. Nikyo nditengyetseza eiguru,
N'ensi ekatengyeta, ekaruga omu mwanya gwayo,
ahabw'ekiniga kya MUKAMA ow'amahe
Aha izooba ry'ekishinjo kye ekingi.
14 #
Yer 50:16; 51:9. Nk'esirabo ehiigirwe,
Nk'entaama ezitaine kitanga,
Buri muntu aryagaruka omu ihanga rye,
N'omuntu weena ahungire omu nsi yaabo.
15Orireebwa weena aryacumitwa, ryogyemu;
Kandi orikwatwa weena aryagwa na rurara.
16 #
Nah 3:10. Abeereere baabo baryateerwa ahansi bacwagurikye, nibabareeba.
Amaju gaabo garyanyagwa,
N'abakazi baabo bahambwe.
17 #
Yer 51:11. Reeba, nimbaimukiza Abameedi kubarwanisa,
Abantu abateeta aha feeza
N'obu kwakuba okukunda ezaabu.
18Amata gaabo garyaita abatsigazi,
tibarisaasira ruzaaro rw'enda zaabo,
Kandi amaisho gaabo tigarigirira baana saaski.
19 #
Isa 47:5; Yer 50:40. Babulooni, ekitiinisa ky'amahanga,
Oburungi n'okwehimbisa by'Abakaludaaya,
Eryaba nka Sodoma na Gomora,
Obu Ruhanga yaazicwekyereza.
20 #
Yer 51:43. Terigaruka kutaahwamu,
Nari okutuurwamu obusingye bwona;
Abaharabu tibariteerayo mahema gaabo,
Kandi n'abariisa tibarizaagizayo magana gaabo;
21 #
Isa 34:13, 14. Kureka haryazaagirayo enyamaishwa z'omu ishwa,
Kandi amaju gaayo garyaijura enyamaishwa ezirikuhuuma.
Okwo niyo maaya zirituura,
N'embuzi z'obwoshe niyo zirikinira.
22Empitsi ziryahuumira omu minaara yaarwo,
Na zaamuha ziboigorere omu bikaari birungi byarwo;
Mbwenu obunaku bwarwo bwafunzire,
N'ebiro byarwo tibyakyongyerwaho.
Currently Selected:
Isaaya 13: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
