Popular Bible Verses from Isaaya 11

Share

Omwoyo wa MUKAMA aryguma ahariwe, Agire omwoyo gw'obwengye n'okwetegyereza, Omwoyo gw'okuhanuura n'obushoboorozi, Omwoyo gw'okumanya n'okutiina MUKAMA. Omu kutiina MUKAMA nimwo arishemerererwa; Taricwa rubanja rw'amaisho, N'obu rwakuba orw'okugambirwa

Omu kitsintsi kya Yese haryatookamu akataagi, N'omu mizi ye haryarugamu eitaagi.

Kureka aryacwera abooro emanja omu kuhikiirira N'abacureezi b'omu nsi aryabashoboorora omu bwinganisa; Kandi ensi aryagiteeza enkoni y'akanwa ke, N'ababi aryabaitsa omwitsyo gwe.

Okuhikiirira kuryaba orukoba rwe rw'okwezirikisa, N'obwesigwa bube orukoba omu bwezirikiro bwe.

Ebyo byona tibirikora kubi, n'obu kwakuba okwita Aha rushozi rwangye rwona orurikwera; Ahabw'okuba okumanya MUKAMA kuryabuga ensi yoona, Nk'oku amaizi gabuga hoona omu nyanja.

Omushega guryataaha n'omwana gw'entaama, N'engwe eryabyama n'omwana gw'embuzi, Enyana n'entare n'enimi y'ekimasha ekigomokire biryaguma hamwe, Kandi omwana muto niwe aribifunya.

Kandi eryo izooba Orikwetwa ekitsintsi kya Yese aryabeera amahanga orurango; niwe amahanga garyetuurira, n'obutaaho bwe buryagira ekitiinisa.