Isaaya 2
2
Isaaya okuhanuurira enju ya Yakobo eby'obusingye
1Eki Isaaya mwene Amozi yaareebire ahari Yuda na Yerusaalemu-
2 #
Mik 4:1-3. Obunaku buryahika omu biro bya bwanyima,
Orushozi rw'enju ya MUKAMA ruhamibwe aha mitwe y'enshozi,
Rutunguukye, rukire ebibungo byona,
N'amahanga goona gahimintikireyo.#Isa 56:7.
3 #
Zek 8:20-23; Luk 24:47. Kandi amahanga maingi garyaija, gagire gati:
Mwije twinamukye aha rushozi rwa MUKAMA
Omu nju ya Ruhanga wa Yakobo,
Atwegyese emitwarize ye,
Naitwe tubone kugigyenderamu;
Ahabw'okuba ebiragiro biryaruga Saayuuni,
N'ekigambo kya MUKAMA kirugye Yerusaalemu.
4 #
Zab 72:7; Zek 9:10. Aryacwera amahanga emanja,
Aramure enganda nyingi;
Obwo zaarurara zaabo baryaziheeshamu amafuka,
N'amacumu gaabo bagaheeshemu empabyo;
Eihanga tiriribangira rindi rurara,
Kandi tibarigaruka kwega by'engamba.
5Imwe nju ya Yakobo 'mwe,
Nimwije tugyendere omu mushana gwa MUKAMA.
Okuhanuurira enju ya Yakobo ebirikutiinisa
6 #
Bir 18:14; 2 Bag 1:2; 16:7, 8, 11, 12. Okareka abantu baawe, enju ya Yakobo,
Noobatura okugira abafumu baingi b'oburugwa-izooba
N'abaraguzi nk'Abafilistia,
Kandi n'okukora endagaano n'abanyamahanga.
7Ensi yaabo eijwire efeeza n'ezaabu,
Obutungi bwabo tibwine bugarukiro;
Ensi yaabo eijwire embaraasi,
N'ebigaari byabo tibiine bugarukiro.
8 #
Yer 2:28. Ensi yaabo eijwire ebishushani ebirikuramibwa,
Nibaramya emirimo y'emikono yaabo,
Ebi engaro zaabo ahabwabo zikozire.
9Abantu b'obutoosha nibacureezibwa,
N'abakuru nibagarurwa ahansi.
N'ahabw'ekyo otabasaasira.
10 #
2 Tes 1:9. Taaha omu nkiri z'amabaare,
Oyesherekye omu mucuucu okutiinisa kwa MUKAMA
N'ekitiinisa ky'obukuru bwe.
11Emyekuniko y'omuntu eryagarurwa ahansi,
N'amaryo g'abantu garibatiirirwe,
Eryo izooba MUKAMA wenka niwe arihimbisibwa.
12 #
Yob 40:11, 12. Ahabw'okuba MUKAMA ow'amahe aine ekiro
Eki arirwanisizaho eby'amaryo n'ebirikwekuza byona
N'ekintu kyona ekirikwetunguura;
Kandi byona biryagarurwa ahansi;
13 #
Zek 11:1, 2. Akarwanisa emyereezi ya Lebanooni yoona
Emiraigwa kandi erikwetunguura,
N'emyela ya Bashani yoona,
14N'enshozi zoona endaingwa,
N'ebibungo byona ebiraingwa,
15N'omunaara gwona omuraingwa,
N'orugo rwona orw'amabaare orugumire,
16 #
1 Bag 10:22. N'emeeri zoona eza Tarushiishi,
N'ebishushani byona ebirikushemeza.
17Kandi emyekuniko y'omuntu eryacureezibwa,
N'amaryo g'abantu garyagarurwa ahansi;
Eryo izooba MUKAMA wenka niwe arihimbisibwa.
18Ebishushani byona ebirikuramibwa biryahweraho kimwe.
19 #
Hag 2:6. Abantu baryahungira omu nyanga z'amabaare,
N'omu biina by'eitaka
Nibahunga okutiinisa kwa MUKAMA
N'ekitiinisa ky'obukuru bwe,
Ku ariimuka kutetemya ensi munonga.
20 #
Isa 30:22; 31:7. Eryo izooba abantu baryanaga ebishushani byabo
Eby'efeeza n'eby'ezaabu,
Ebi baayekoreire kuramya,
Babinagire efukuzi n'obuhundu,
21Beesherekye omu nyanga n'omu biharamanga by'amabaare agaatikire,
Nibahunga okutiinisa kwa MUKAMA
N'ekitiinisa ky'obukuru bwe,
Ku ariimuka kutetemya ensi munonga.
22 #
Kut 2:7. Murugye aha bantu-buntu abarikwitsya.
Mbwenu bo nibo baahi?
Currently Selected:
Isaaya 2: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
