Abaefeso 6

Emitwarize mirungi y'amaka

1 # Kol 3:20—4:1. Abaana, mworobere abazaire baanyu omuri Mukama, ahakuba nikyo kihikire. 2Tiina sho na nyoko; (ekyo nikyo kiragiro ky'okubanza ekirimu okuraganisibwa) 3obone kuba gye, okahangaara omu nsi. 4#Bir 6:20-25. Naimwe baishebo, murekye kugwisa kubi abaana baanyu, kureka mubarere, nimubategyeka gye, kandi nimubeegyeseza omuri Mukama.

5Imwe abahuuku, mworobere bakama baanyu ab'omu nsi, nk'abarikworobera Kristo, mubatiine nimutetema n'omutima ogutaine buryarya. 6Mutabakorera ahabw'okureebwa, nk'abarikwenda kusiimwa abantu, kureka nk'abahuuku ba Kristo abakora ebi Ruhanga akunda, nimukora mwihire aha mutima. 7Mubakorere n'omutima murungi, nk'abarikukorera Mukama, ti nk'abarikukorera abantu, 8#2 Kor 5:10. nimumanya ngu ekirungi kyona eki omuntu akora, aryakiihurwa Mukama, yaaba muhuuku nari ow'obusingye. 9#2 Bus 19:7. Kandi imwe bakama baabo, naimwe mube nikwo mwabatwaza, murekye kubatiinisa, nimumanya ngu Mukama waanyu mwembi ari omu iguru, kandi tashoroora mu bantu.

Eby'okurwanisa by'Abakristaayo

10 # 1 Kor 16:13. Eky'aha muheru, mube abahamire omuri Mukama n'omubushoboorozi bw'amaani ge. 11Mujware eby'okurwanisa byona ebya Ruhanga, mubone kwemerera mutasingwirwe bugobya bwa Sitaane. 12#Efe 2:2. Ahabw'okuba titurikufukaana n'abaine omubiri n'eshagama, kureka niturwana n'ebirikutegyeka n'ebiine obushoboorozi n'ebirikutwara ensi egi omu busingye obu obw'omwirima, kandi niturwana n'amahe g'emyoyo emibi ey'omu myanya y'omu iguru. 13N'ahabw'ekyo mukwate eby'okurwanisa byona ebya Ruhanga, mubone kuguma aha izooba ribi; kandi, ku muriheza kukora byona, mwemerere muhamire. 14#Isa 59:17; 1 Tes 5:8. Ahabw'ekyo mwemerere, mwezirikire amazima omu nda nk'orukoba, mujwaire eky'okuhikiirira nk'ekyoma ky'okwekingiza omu kifuba, 15#Isa 52:7. mujwaire enkaito ez'okweteekateeka kugamba engiri y'obusingye; 16#1 Yoh 5:4. kandi ahari ebyo byona mukwatireho engabo y'okwikiriza, ei murikubaasa kuraarisa emyambi y'omuriro yoona ey'Omubi. 17#1 Tes 5:8; Heb 4:12. Kandi mujware enkofiira ey'okujunwa, na rurara y'Omwoyo, nikyo kigambo kya Ruhanga; 18#Kol 4:2, 3. mushabire omu Mwoyo obutoosha omu kushaba kw'emiringo yoona n'okweshengyereza, nimubyezirikia n'okugumisiriza kwona, nimushabira abarikwera boona; 19kandi naanye munshabire, mbone kuheebwa okugamba n'obumanzi, hoona ahi ndyashamiza akanwa kangye okumanyisa enaama y'engiri, 20#2 Kor 5:20. ei ndi entumwa yaayo omu nkomo, ngigambe n'obumanzi, nk'oku kinshemereire.

21Kandi Tukiko, ow'eishe-emwe orikukundwa, omuheereza omwesigwa omuri Mukama, aryabateekyerereza byona, mubone kumanya ebyangye n'ebi ndikukora. 22#Kol 4:7, 8. Nikyo naamubatumiraho ku mumanya nk'oku turi, kandi ngu agumye emitima yaanyu. 23Obusingye bugume n'ab'eishe-emwe, n'okukunda hamwe n'okwikiriza ebirikuruga ahari Ruhanga Isheboona na Mukama waitu Yesu Kristo. 24#1 Pet 1:8. Embabazi zibe ahari boona abarikukunda Mukama waitu Yesu Kristo okukunda okutahwaho.

Currently Selected:

Abaefeso 6: RR64

Highlight

Copy

Compare