Popular Bible Verses from Omubuurizi 12

Share

Oku nikwo kuhendera ebigambo; ahabw'okuba byona bikahurirwa. Tiina Ruhanga, oyorobere ebiragiro bye; ahakuba ekyo kyonka nikyo omuntu ashemereire kukora

ahabw'okuba Ruhanga aryacwera orubanja ekintu kyona ekyakozirwe, n'ekintu kyona ekyasherekirwe, yaaba kirungi nari kibi.

Kandi ogume oijukye Omuhangi waawe omu biro by'obutsigazi bwawe, ebiro bibi bitakaizire, n'emyaka etakahikire ei origiriramu oti: Tinkigishemerererwamu, eizooba n'omushana n'okwezi n'enyonyoozi bitakashwekirwe mwirima, kandi n'ebicu bitakagarukire enjura yaatsya

akagoye k'efeeza katakacwekire, orwbya rw'ezaabu rutakaatikire, enyungu etakaatikiire ha nshuro, enziga etakahendekyeire ha iziba, omucuucu gukagaruka omu itaka, nk'oku gwabaire guri, n'amagara gakagaruka ahari Ruhanga owaagahaire.

Atyo Omubuurizi yaagaruka yaagira ati: Ni busha bwa busha; byona ni busha!