Popular Bible Verses from Omubuurizi 1

Share

Ahakuba obwengye bwingi bubamu enaku nyingi, Kandi oyeyongyera okumanya, ayeyongyera obusaasi.

Ekirabaireho nikyo kiriguma nikibaho; Kandi ekirakozirwe nikyo kiriguma nikikorwa. Tihariho kisya ahansi y'eizooba.

Ebintu byona biijwire oburuhe, Obu omuntu atarikubaasa kushoboorora. Eriisho tirihaaga kureeba, N'okutu tikuhaaga kuhurira.

Omubuurizi naagira ati: Busha erikukira busha yoona, Byona ni busha! Ni mugasho ki ogu omuntu aiha omu kufa kubi kwona, Oku afa kubi ahansi y'eizooba?

Nkeetegyereza byona ebirikukorwa ahansi y'eizooba, naashanga byona biri busha, biri okwitanira omuyaga.

Obusingye burugaho, obundi bwija, Kwonka ensi yo egumaho obutwire bwona.

Ebya ira tibikiijukwa, N'ebiribaho, ebitakabeireho, abarikurataho tibaribiijuka.

Naata omutima aha kwetegyereza obwengye n'obugwa-iraro n'obushema; naashanga nabyo kuri okwitanira omuyaga.