Abakolosai 4

1 # Lev 25:43. Imwe abakama, muhe abahuuku baanyu ebihikire n'ebishemereire emirimo yaabo, nimumanya ngu naimwe mwine Mukama waanyu omu iguru.

2 # Fil 4:6. Mwezirikire okushaba; omu kushaba kwanyu mugume nimureeba hamwe n'okusiima; 3#Rom 15:30. kandi naitwe mutushabire Ruhanga atwigurire orwigi, tubone kugamba ekigambo ky'okumanyisa enaama ya Kristo, eki mboheirwe, 4nkimanyise nk'oku nshemereire kugamba. 5#Efe 5:15, 16. Ab'aheeru mubagyendemu n'obwengye, murekye kufiisa busha omwanya. 6#1 Pet 3:15. Ebigambo byanyu bigume biri eby'embabazi, nk'ebirimu omwonyo, mubone kumanya oku mushemereire kugarukamu omuntu weena.

7 # Efe 6:21, 22. Ebyangye byona muryabigambirwa Tukiko, ow'eishe-emwe orikukundwa, omuheereza orikwesigwa, kandi mugyenzi wangye omu murimo gwa Mukama. 8Eki naamubatumiraho n'okubamanyisa oku turi, kandi ngu agumye emitima yaanyu; 9#Film 1:10. naamutuma na Onesimo, ow'eishe-emwe omwesigwa orikukundwa, kandi mwene waanyu. Baryabateekyerereza byona ebiri kunu.

10Aristariiko ou mbohirwe nawe yaabaramutysa, na Mako mwihwa wa Barunaba, (ou mwaragiirwe, ngu ku ariija, mumwakiire); 11na Yesu orikwetwa Yusto yaabaramutsya. Omu bakozi bagyenzi bangye abu nkora nabo omurimo gw'obukama bwa Ruhanga, abo nibo bonka abaarugire omu bashazirwe, kandi bakampuumuza. 12Epafura, mwene waanyu, yaabaramutsya; nawe n'omuhuuku wa Kristo Yesu, oyezirika obutoosha kubaijuka omu kushaba kwe, ngu mugume muri abahikire, kandi abarikumanyira kimwe byona ebi Ruhanga akunda. 13Ahakuba nimmuhamya ku akozire omurimo muhango munonga ahabwanyu n'ahabw'aba Laodikea, n'aba Hierapooli. 14#2 Tim 4:10, 11. Luka omufumu orikukundwa na Deema baabaramutsya. 15Mundamukize ab'eishe-emwe ab'omuri Laodikea, kandi muramutsye na Numfa n'ekanisa y'omu nju ye.

16Ebaruha egi ku eriheza kubashomerwa, eshomerwe n'omu kanisa eya Laodikea, kandi naimwe mushome egyo eriruga Laodikea. 17Mugambire Arakipo muti: Oyezirikye ohitsye obuheereza obu waahairwe omuri Mukama.

18Nyowe Paulo naahandiika okuramutsya oku n'omukono gwangye. Mwijukye ku ndi omu kihome. Embabazi zigume naimwe.

Currently Selected:

Abakolosai 4: RR64

Highlight

Copy

Compare