1 Abatesalonika 5

Okweteekateekyera okugaruka kwa Kristo

1 # Mat 24:36, 42-44; Kush 3:3. Kwonka aha by'ebiro n'obunaku, B'eishe-emwe, timuri b'okuhandiikirwa; 2ahabw'okuba imwe ahabwanyu nimumanya gye ngu ekiro kya Mukama kiryaija nk'omushuma wa nyekiro. 3#Yer 6:14; Mat 24:30. Ku bariba nibagira ngu, n'obusingye, tihariho kabi, obwo nibwo okucwekyerera kuribagwaho, nk'oku ebisha bikwata omukazi orikurumwa kuzaara, kandi tibarikira na kakye. 4Kwonka imwe, B'eishe-emwe, timuri omu mwirima, ekiro ekyo kubagwaho nk'omushuma; 5#Rom 13:12; Efe 5:9. ahabw'okuba imwe mwena muri abaana b'omushana, kandi abaana ba nyomushana; itwe tituri ba nyekiro n'obu baakuba ab'omwirima. 6N'ahabw'ekyo turekye kugwejegyera nk'abandi; kureka tugume nitureeba, tutasina; 7ahakuba abagwejegyera bagwejegyera nyekiro, n'abasinda basinda nyekiro; 8#Efe 6:14-17; Isa 59:17. kwonka itwe, nk'oku turi aba nyomushana, twerinde ebirikusinza, tujware okwikiriza na rukundo nk'eky'okwekingiza omu kufuba, kandi n'amatsiko g'okujunwa nk'enkofiira. 9Mumanye ngu Ruhanga taratuteereireho kiniga kureka okutunga okujunwa ahabwa Mukama waitu Yesu Kristo, 10#Rom 14:8, 9. owaatufeereire ngu tugume nawe, yaaba tuhuriire nari tugwejegyeire. 11N'ahabw'ekyo mugumyane, kandi mwombekane, nk'oku murikukora.

Emitwarize y'Abakristaayo

12 # 1 Tim 5:17. Kwonka, nitubeeshengyereza, B'eishe-emwe, ku mumanya abo abarikubakoramu, abarikubategyeka omuri Mukama, bakabahabura, 13mubahe ekitiinisa munonga omuri rukundo ahabw'omurimo gwabo. Mugume mwine obusingye, omuntu na mugyenzi we. 14#2 Tes 3:11, 15. Ahabw'okuba nitubeeshengyereza, B'eishe-emwe, muteise entahurira, mugumye abahahaire emitima, muramire abataine maani, mugumisiririze boona. 15#1 Pet 3:9. Mwerinde hatagira omuntu weena omuriimwe owaihura ondiijo ekibi ahabw'kibi, kureka obutoosha mwezirikire okukorerana gye, n'okukorera gye abandi boona. 16Mugume mushemererwe ebiro byona, 17#Luk 18:1. mushabe obutoosha, 18#Efe 5:20. kandi omuri byona musiime; ahakuba nikyo Ruhanga arikubendeza omuri Kristo Yesu. 19#1 Kor 14:1. Mutaraaza Omwoyo; 20mutagaya ebya baanabi; 21#1 Yoh 4:1. mugyeze byona; muhamire aha kirungi; 22mwetantare kyona ekirikushusha ekibi. 23Ruhanga mukama w'obusingye we wenka abeereza kimwe; kandi emyoyo yaanyu n'amagara gaanyu n'emibiri yaanyu birindwe gye, bishangwe bitaine ki birikuhanwa aha kiro ky'okwija kwa Mukama waitu Yesu Kristo. 24#2 Tes 3:3. Ogwo orikubeeta n'omwesigwa, kandi n'okukora niwe arikikora.

25B'eishe-emwe, mutushabire. 26Muramutsye ab'eishe-emwe boona n'okunywegyera okurikwera. 27Nimbarahiza Mukama mushomere ab'eishe-emwe boona ebaruha egi.

28Embabazi za Mukama waitu Yesu Kristo zigume naimwe.

Currently Selected:

1 Abatesalonika 5: RR64

Highlight

Copy

Compare