2 Samueli 8

Eby'okusingura kwa Daudi

1 # 1 Bus 18:1-17; Zab 60. Bwanyima y'ebyo Daudi yaasingura Abafilistia, yaabamara eishaija, yaiha Mesegama omu mikono yaabo. 2#2 Sam 8:6, 14. Bwanyima yaasingura Abamoabu, yaabarambika ahansi, yaabagyeresa omuguha; emishorongo ebiri yaaba ey'okwitwa, n'omushorongo gumwe gwaba ogw'okukira. Okuruga aho Abamoabu baahinduka abahuuku ba Daudi, baaguma nibamutoijera.

3 # 1 Sam 14:47; 2 Sam 10:6, 16, 19. Kandi Daudi yaasingura Hadadezeeri mwene Rehobu omugabe wa Zooba, naaza kugarura ensi eyaabaire eri omu bugabe bwe aha mugyera Furaati. 4Daudi yaamunyagaho engabo z'abarikugyendera aha mbaraasi rukumi na magana mushanju, n'abarikugyendesa ebigyere obukumi bubiri; bwanyima Daudi yaatema ebiteega by'embaraasi ezirikukurura ebigaari zoona; kwonka yaatsigaho ezirikubaasa kukurura ebigaari igana. 5#1 Bag 11:23-25. Abasiria ba Damasiko ku baizire kuha Hadadezeeri omugabe wa Zooba emikono, Daudi yaabaitamu abantu obukumi bubiri n'enkumi ibiri. 6Bwanyima Daudi yaata emitwe y'abarinzi omuri Siria eya Damasiko; n'Abasiria baahinduka abahuuku ba Daudi, baaguma nibamutoijera Kandi MUKAMA yaaguma naaha Daudi obusinguzi ahu yaabaire aza hoona. 7#2 Bag 11:10. Daudi yaanyaga engabo z'ezaabu ezi abagaragwa ba Hadadezeeri baabaire baine, yaazitwara Yerusaalemu. 8Kandi omugabe Daudi yaiha emiringa mingi munonga omuri Beeta na Berosai, endembo za Hadadezeri.

9Toi omugabe wa Hamasi ku yaahuriire ngu Daudi asingwire eihe ryaona erya Hadadezeeri, 10yaatuma Yoramu omutabani aha mugabe Daudi kumuramutsya n'okumutabaarutsya ahabw'okurwana na Hadadezeeri n'okumusingura; ahabw'okuba Hadadezeeri akaba atuura naarwana na Toi. Yoramu ogwo yaijana ebintu by'efeeza, eby'ezaabu n'eby'emiringa. 11#1 Bag 7:51; 1 Bus 26:26. Ebyo nabyo omugabe Daudi yaabishoroorera MUKAMA hamwe n'efeeza n'ezaabu ebi yaabaire ashorore, abaihire omu mahanga goona agu yaabaire asingwire, 12#2 Sam 12:30. ebya Siria, ebya Moabu, eby'Abaamoni, eby'Abafilistia, ebya Amaleki, n'eby'eminyago ya Hadadezeeri mwene Rehobu omugabe wa Zooba. 13Daudi yaayetungira atyo eiziina.

Ku yaabaire naagaruka, yaitura omu ruhita rw'omwonyo Abanyaedomu kakumi n'enkumi munaana. 14#Kut 25:23, 30; 27:29, 37, 40; Kub 24:18. Yaata emitwe y'abarinzi omuri Edomu; yaababuzya Edomu yoona; Abanyaedomu boona baahinduka abahuuku be. MUKAMA yaaguma naaha Daudi obusinguzi ahu yaabaire aza goona.

15Atyo Daudi yaategyeka Israeli yoona, kandi yaacwera abantu be boona emanja z'oburyo omu bwinganisa. 16#2 Sam 20:23-26. Obwo Yoabu mwene Zeruiya akaba ari omukuru w'eihe, Yehoshafaati mwene Ahiluudi ari omuhandiiki w'ebirikubaho; 17#1 Bag 4:3. Zadoki mwene Ahitubu na Ahimeleki mwene Abiasaari bari abanyamurwa; Seraaya ari omuhandiiki; 18#2 Sam 15:18; 1 Bag 1:38; 4:4. Benaaya mwene Yehoyaada ari omukuru w'aba Keresi n'aba Pelesi; kandi batabani ba Daudi bari abategyeki bakuru.

Currently Selected:

2 Samueli 8: RR64

Highlight

Copy

Compare