2 Samueli 7

Ruhanga okuraganisa Daudi ku arihamya obugabe bwe

1 # 1 Bus 17:1-27; 2 Sam 12:1. Atyo omugabe yaaguma omu ka ye, kandi MUKAMA yaamuha okuhuumura abazibu be boona embaju zoona. 2#Kur 26:1; 2 Sam 5:11. Bwanyima omugabe yaagira nabi Nasani ati: Reeba hati, ndi omu nju y'emyereezi, kwonka eshanduukye ya Ruhanga eri omu ihema. 3#1 Bag 8:17; 1 Bus 22:7; 28:2; Byak 7:46. Nasani yaagira omugabe ati: Irooko okore ekikuri aha mutima kyona, ahakuba MUKAMA ari hamwe naiwe.

4Ekyo kiro ekigambo kya MUKAMA kyaizira Nasani nikigira kiti: 5Irooko ogambire omwiru wangye Daudi oti: MUKAMA naagira ati: Ebyo oryanyombekyera enju y'okutaahamu? 6#Kur 40:34; 1 Bag 8:16. Noomanya ku ntakatuuragu mu nju, okwiha obu naiha Abaisraeli Misiri n'okuhitsya hati, kureka nkaba ngyendagyenda nintaaha omu ihema. 7#Lev 26:11, 12; Bir 23:14. Nimugira ngu omu myanya yoona ei naabaire ngyendamu n'Abaisraeli boona, nkaba ndagizire omwe aha baramuzi ba Israeli, abu naaragiire kuriisa abantu bangye Israeli nti: Ahabw'enki mutakanyombekyeraga nju y'emyereezi? 8#1 Sam 16:11; Zab 78:70. N'habw'ekyo ogire omwiru wangye Daudi oti: MUKAMA ow'amahe naagira ati: Nkakwiha omu iriisizo nooriisa entaama, ngu nkuhindure omutegyeki w'abantu bangye Israeli, 9#2 Sam 5:10; 8:6, 14. kandi nkaba nguma naiwe ahu waabaire oza hoona, ncwekyerereza abazigu baawe omu maisho gaawe; kandi ndyakuha eiziina rikuru nk'ery'abantu rugambwa ab'omu nsi. 10#2 Bag 21:8; Zab 80:8; Amo 9:15. Ndyatooranira abantu bangye Israeli omwanya, mbabyaremu, babone kugira obutaka bw'okutuuramu, obu batariihwamu bundi. Kandi abantu babi tibarigaruka kubaita kubi nk'obunyakare, 11#Bar 2:11-16; 1 Bag 11:38. obu naabaire ndagiira abaramuzi kutegyeka abantu bangye Israeli; kandi ndyakuha okuhuumura abazigu baawe boona. N'ekindi, MUKAMA naakugambira ku arikuhindura oruganda.

12 # 1 Bag 2:1, 10; 8:20; Zab 132:11; Byak 13:36. Kandi obunaku bwawe ku burihika, waagwejegyera, waashanga baashwenkuru, ndyayemeka omwana waawe ou oryezaarira, akuhungurire, kandi mpamye obugabe bwe. 13#1 Bag 5:5; 1 Bus 22:10; Zab 89:4, 29, 36, 37. Ogwo niwe aryombekyera eiziina ryangye enju; kandi ndyahamya ekitebe ky'obugabe bwe ebiro byona. 14#Zab 89:26, 27; Heb 1:5. Ndyaba ishe, nawe abe omwana wangye; ku aricumura, ndyamuhanisa enkoni z'abantu, babe nibo baamuteera; 15#1 Sam 15:23, 28; 1 Bag 11:13, 34. kwonka embabazi zangye tizirimurugaho, nk'oku naaziihire ahari Saulo, ou naacwire nkaiha omu maisho gaawe. 16Enju yaawe n'obugabe bwawe biryahamibwa ebiro byona, n'ekitebe ky'obugabe bwawe kiryaba eky'ebiro byona. 17Ebyo bigambo byona n'okwo kworekwa kwona, Nasani yaabiteekyerereza Daudi nk'oku byabaire biri.

Okushaba kwa Daudi

18Bwanyima Daudi omugabe yaataaha omu Ihema, yaashutama omu maisho ga MUKAMA, yaagira ati: Niinye oha, ai MUKAMA Ruhanga? Kandi n'enju yangye nikyo ki, iwe okundinda okampitsya aha? 19Kwonka ekyo ahariiwe ni kikye, MUKAMA Ruhanga; mbwenu waayongyeraho n'okugamba aha by'enju y'omwiru waawe, oku eriba omu biro bingi munonga ebiriija, nk'oku kiba omu biragiro by'abantu, ai MUKAMA Ruhanga. 20#Zab 139:1-4. Mbwenu shi, ekindi Daudi akugambire ki? Ahabw'okuba noomanya omwiru waawe, MUKAMA Ruhanga. 21Ahabw'endagaano yaawe okakora ebikuru ebyo byona, kubimanyisa omwiru waawe, nk'oku omutima gwawe gwateekateekire. 22#Kur 15:11; 1 Bus 16:25; Zab 86:10; 96:4; Yer 10:6; 1 Kor 8:5, 6. Nikyo obeera mukuru, MUKAMA Ruhanga; ahakuba tihariho orikushushana naiwe, kandi tihariho Ruhanga ondiijo kureka Iwe, nk'ebi twahuriire byona oku biri. 23#Kur 12:51; Bir 4:7, 34. Kandi na ihanga ki omu nsi eriri nk'abantu baawe Israeli, abu Ruhanga yaagiire kwecungurira kuba abantu be, ngu ayetungire eiziina, ahabw'okubakorera ebikuru kandi ebirikutiinisa, naabinga omu maisho gaabo eihanga na baaruhanga baaryo? 24#Bir 26:18. Bwanyima okeehamiza abantu baawe Israeli, ngu babe eihnaga eri waayetooraniire ebiro byona; naiwe, MUKAMA, okaba Ruhanga waabo. 25Mbwenu hati, MUKAMA Ruhanga, ekigambo eki waagamba aha mwiru waawe n'aha nju ye, okihamye ebiro byona, kandi okore nk'oku waagamba; 26n'eiziina ryawe riryahimbisibwa ebiro byona, bagire bati: MUKAMA ow'amahe niwe Ruhanga wa Israeli; kandi enju y'omwiru waawe Daudi eryahamibwa omu maisho gaawe. 27Ahakuba Iwe, MUKAMA ow'amahe, Ruhanga wa Israeli, oshuuruuriire omwiru waawe, noogira oti: Ndyakwombekyera enju; nikyo omwiru waawe agiriire obumanzi bw'okukushaba ebigambo ebi. 28#Yoh 17:17. Mbwenu hati, ai MUKAMA Ruhanga, niiwe Ruhanga, n'ebigambo byawe n'eby'amazima, kandi oraganiise omwiru waawe, ekigambo ekyo ekirungi. 29#Zab 89:28, 29. N'ahabw'ekyo hati ikiriza kuha enju y'omwiru waawe omugisha, egumeho ebiro byona omu maisho gaawe, ahakuba niiwe waakigamba, MUKAMA Ruhanga; kandi omugisha gwawe gugume guheebwe enju y'omwiru waawe ebiro byona.

Currently Selected:

2 Samueli 7: RR64

Highlight

Copy

Compare