2 Abagabe 22

Eby'omu busingye bwa Yosia

1 # 2 Bus 34:1, 2. Yosia akaba aine emyaka munaana, obu yaatandika kutegyeka; yaategyekyera emyaka makumi ashatu na gumwe omuri Yerusaalemu. Nyina akaba naayetwa Yedida, muhara wa Adaaya owa Bozikaasi. 2#Bir 5:32. Yaakora ebirikusiimwa MUKAMA naagyendera omu muhanda gwa Daudi ishenkuru, tiyaateishuka kutoora aha rubaju rwa buryo nari rwa bumosho.

3Omu mwaka gwa ikumi na munaana gw'omu busingye gw'omugabe Yosia, aktuma Shafani mwene Azaliya mwijukuru wa Meshulaamu omuhandiiki, omu nju ya MUKAMA, yaamugira ati: 4#2 Bag 12:4, 9, 10. Inamuka oze owa Hilukia omunyamurwa omukuru, omugambire abare empiiha ezireetsirwe omu nju ya MUKAMA, ezi abarinzi b'eirembo bashoroize omu bantu, 5#2 Bag 12:11-14. bazihe abarikureeberera enju ya MUKAMA, nabo bazihe abakozi abari omu nju ya MUKAMA abarikugihunduura ahi esiisikaire, 6nibo babaizi, abombeki n'abarikwombekyesa amabaare; kandi ezindi zibe ez'okugura embaaho n'amabaare agahigwire eby'okuhunduuza enju. 7#2 Bag 12:15. Kandi ezo mpiiha ezi baabaire babaha, bakaba batababuuza oku zikoresiibwe; ahabw'okuba bakaba bazikoresa n'obwesigwa.

Hilukia omunyamurwa okuzoora ekitabo ky'Ebiragiro

8 # 2 Bus 34:14; Bir 31:24-26. Hilukia omunyamurwa omukuru yaagira Shafani omuhandiiki ati: Naazoora ekitabo ky'Ebiragiro omu nju ya MUKAMA. Atyo Hilukia yaaha Shafani ekyo kitabo, yaakishoma. 9Bwanyima Shafani omuhandiiki yaija ow'omugabe, yaamugambira ati: Abairu baawe baihire omu nju ya MUKAMA empiiha ezishangirwemu; baaziha abarikugireeberera. 10Shafani omuhandiiki yaagaruka yaagira omugabe ati: Hilukia omunyamurwa yampa ekitabo. Atyo Shafani yaakimushomera. 11Omugabe ku yaahuriire ebigambo by'omu kitabo ky'Ebiragiro, yaataagura ebijwaro bye. 12#2 Bag 25:22; 2 Bus 34:20; Yer 26:24; 39:14; 40:5. Ahonaaho yaaragiira Hilukia omunyamurwa, Ahikaamu mwene Shafani, Akiboora mwene Mikaaya, Shafani omuhandiiki na Asaaya omugaragwa w'omugabe, naagira ati: 13#Bir 29:27. Mwirooko muhanuuze ahari MUKAMA ahabwangye n'abantu bangye kandi na Yuda yoona eby'ebigambo by'ekitabo eki ekizoirwe; ahakuba ekiniga kya Ruhanga ekituriho ni kingi munonga, ahabw'okuba baatatenkuriitwe tibaroorobeire bigambo by'eki kitabo, okukora ebyahandiikirwe byona ebirikutukwataho.

14 # 2 Bus 34:22. Atyo Hilukia omunyamurwa, Ahikaamu, Akiboora, Shafani na Asaaya baaza owa Hulida nabikazi muka Shalumu mwene Tikuva, mwijukuru wa Harihaasi, omubiiki w'ebijwaro; (omu biro ebyo ogwo mukazi akaba atwire Yerusaalemu omu kicweka kyayo kya kabiri) baagamba nawe. 15Yaabagira ati: Oku nikwo MUKAMA, Ruhanga wa Israeli, arikugamba naagira ati: Mugambire omushaija obantumireho muti: 16Oku nikwo MUKAMA arikugamba naagira ati: Reeba, ndyareeta akabi aha mwanya ogu n'aha batuuzi baamwo, nk'ebigambo byona ebihandiikirwe omu kitabo eki omugabe wa Yuda ashomire oku biri. 17#2 Bag 21:22; Bir 29:25, 26. Ahabw'okuba bakanyimuura, baayoterera baaruhanga abandi obubaane, ngu bangwise kubi n'ebi baakozire n'emikono yaabo byona, n'ahabw'ekyo ekiniga kyangye kiryayaka aha mwanya ogu, kandi tikiriraazibwa. 18Kwonka omugabe wa Yuda obatumire kuhanuuza ahari MUKAMA, mumugire muti: Oku nikwo MUKAMA Ruhanga wa Israeli arikugamba naagira ati: Ebirikukwata aha bigambo ebi ohuriire, 19#Lev 26:31, 32; 1 Bag 21:29; 2 Bus 29:8; 30:7; Yer 25:9, 18; 44:22; Mik 6:16. ahabw'okugira omutima gworobi, ku ohuriire ebi ngambire aha mwanya ogu n'aha batuuzi baamwo, ku barihinduka amatongo n'omukyeeno, waayecureeza omu maisho ga MUKAMA, waataagura ebijwaro byawe, waaririra omu maisho gangye, n'ahabw'ekyo naanye nkuhuriire; nikwo MUKAMA arikugamba. 20#Zab 37:37; Isa 57:1, 2. Reeba nikyo ndikusaangisiza baashwenkuru, okaziikwa omu kituuro kyawe n'obusingye, kandi amaisho gaawe tigarireeba kabi koona aku ndireeta aha mwanya ogu. Batyo baagaruka, baabiteekyerereza omugabe.

Currently Selected:

2 Abagabe 22: RR64

Highlight

Copy

Compare