Popular Bible Verses from 2 Abakorinso 5

Share

N'ahabw'ekyo omuntu weena, ku aba ari omuri Kristo, aba ari ekihangirwe kisya; ebya kare biba bihweire, reeba byona biba bihindukire bisya.

ahakuba Ogwo otaramanyire kibi Ruhanga akamuhindura ekibi ahabwaitu, ngu omuriwe tuhindukye okuhikiirira kwa Ruhanga.

(ahakuba tugyenda ahabw'okwikiriza, ti habw'okureeba.)

Kwonka byona biruga ahari Ruhanga, owaatwegaruririire omuri Kristo, akatuha omurimo gw'okugarukanisa abantu na Ruhanga; ekirikushoboororwa ngu Ruhanga akaba ari omuri Kristo naayegarurira abari omu nsi, atakibabarira by'okushiisha byabo, kandi naitwe yaatukwatsa ekigambo ky'okugarukanisa okwo.

Mbwenu turi entumwa omu mwanya gwa Kristo, Ruhanga naashusha nk'orikweshengyereza abantu omuriitwe. Naitwe nitubeeshengyereza omu iziina rya Kristo, mugarukane na Ruhanga

Kandi eki yaafeereire ahabwa boona n'eki; akafa ngu abariho barekye kuguma bariho ahabwabo bonka, kureka ahabw'Ogwo owaabafeereire akabazookyera. Mbwenu okuruga hati titukimanya muntu weena omu buzaare bw'omubiri. N'obu turaabe twamanyire Kristo, nk'oku abantu baamumanyire, mbwenu titukimumanya tutyo.

Ahakuba okukunda kwa Kristo nikwo kutugyema, nitumanyira kimwe ngu Omwe akafeera boona; nahabw'ekyo boona bakafa.