2 Abakorinso 2

1 # 2 Kor 12:21; 1 Kor 4:21. N'ahabw'ekyo nkamariirira kimwe omu mutima gwangye kutagaruka waanyu nyine obusaasi. 2Mbwenu, ku ndaabagwise kubi, n'oha orangwise gye? T'ogwo ou ngwisize kubi? 3Ekyo nkakihandiika ngu, ku ndiba naizire, ndekye kugwisibwa kubi abaakunshemeize, ahakuba nimbeesiga mwena ngu okushemererwa kwangye kukaabaire okwanyu mwena. 4#Byak 20:31. Mumanye ngu nkabahandiikira nyine enaku n'obusaasi bwingi omu mutima, kandi n'amarira maingi, ti habw'okwenda ngu muguubwe kubi, kureka okubamanyisa okukunda kwingi oku ndikubakunda. 5Ku haraabe hariho owaareetsire okushaasha, tiinye yaasaasize, kureka haihi mwena, ntakaarengyesereza nti, kasaasa mwena. 6Ekiheneso omushaija ogwo eki yaahairwe abarikukira obwingi nikimara; 7nikyo kibashemerereire kumusaasira n'okumuhuumuza, ngu shana atakaarengwa obusaasi. 8N'ahabw'ekyo nimbeeshengyereza ngu mugarukye muhamye ku murikumukunda. 9#2 Kor 7:15. Ekindi ekindeeteire kuhandiika n'okubagyeza, ngu mmanye ku muraabe nimworoba omuri byona. 10Omuntu weena ou musaasira, naanye mmusaasira; naanye eki naasaasiire, ku kiraabe kiriho, nkakimusaasira ahabwanyu omu maisho ga Kristo, 11#Luk 22:31. Sitaane arekye kutugobeza, ahabw'okuba tituri batarikumanya bwengye bwe obu arikutucwera.

12 # 1 Kor 16:9. Ku naizire Troa kubuurirayo engiri ya Kristo, naashanga Mukama anyiguriireho orwingi; 13kwonka tindagizire kuhuumura omu mutima gwangye ahabw'okutashangayo ow'eishe-emwe Tito. Nikwo kubaraga, nkagumizamu kutaaha Makedonia.

14Ruhanga asiimwe, otutabaarura obutoosha, turi abasinguzi omuri Kristo, kandi otuha okubuzya hoona eby'okumumanya, ngu bibe nk'okutaamirana kw'omugaju. 15#1 Kor 1:18. Ahakuba itwe turi omugaju gwa Kristo ahari Ruhanga omu bantu abarikujunwa n'omu barikuhwerekyerera; 16#Luk 2:34. aha barikuhwerekyerera, turi omugaju gw'okufa ogureeta okufa, kwonka aha barikujunwa turi omugaju ogw'amagara ogureeta amagara. Mbwenu ebyo n'oha orikubibaasa? 17#1 Pet 4:11. Ahakuba tituri nk'abandi baingi abashuubuza Ekigambo kya Ruhanga kukiihamu enshaagi; kureka itwe turi ab'amazima, tutumwa Ruhanga, kandi tugambira omuri Kristo omu maisho ga Ruhanga.

Currently Selected:

2 Abakorinso 2: RR64

Highlight

Copy

Compare