2 Eby'omu Busingye 3
3
Sulemaani okutandika kwombeka hekalu
1 #
1 Bus 21:15, 18, 28; 1 Bag 6:1; Kut 22:2, 14. Bwanyima Sulemaani yaatandika kwombeka enju ya MUKAMA omuri Yerusaalemu aha kibungo Moria, ahu MUKAMA yaayeyorekyeire Daudi ishe, omu mwanya ogu Daudi yaatooraine aha mbuga ya Orunaani Omuyebusi. 2Omu mwaka gwa kana ogw'omu busingye bwe, omu kwezi kwa kabiri, nibwo yaatandika kwombeka. 3#1 Bag 6:2, 3. Ebi nibyo bigyero by'enju ya Ruhanga ei Sulemaani yaayombekire. Oburaingwa bwayo omu kigyero kya ira bukaba buri mikono makumi mukaaga, n'obukiika mikono makumi abiri.#Ezr 3:11. 4Ekisasi eky'omu maisho ga hekalu kikaba kiri mikono makumi abiri oburaingwa, nibwingana n'obukiika bwa hekalu, kandi obwemi bwakyo bukabba buri mikono igana na makumi abiri. Omu nda yaakyo yoona yaakishweka ezaabu eshemeziibwe. 5#1 Bag 6:17, 22, 29, 32. Ekishengye kya hekalu eky'ahagati yaakishweka embaaho z'emiberooshi, nazo yaazishweka ezaabu eshemeziibwe, yaazisharuraho emikindo n'emikuuru. 6Egyo nju yaagihunda n'amabare g'obuguzi bwingi; egyo zaabu ekaba eri eya Paruvaimu. 7Atyo yaashweka egyo nju n'ezaabu, emitambiko yaayo, emiryango yaayo, ebisiika byayo n'enyigi zaayo; kandi ha bisiika byayo yaasharuraho ebishushani bya baakerubi.
8 #
1 Bag 6:16. Kandi yaayombeka Aharikwera munonga; oburaingwa bwaho bwaingana n'obukiika bwa hekalu, bwaba mikono makumi abiri, kandi n'obuhango bwaho bwaba mikono makumi abiri; yaahashweka n'etalanta z'ezaabu eshemeziibwe magana mukaaga. 9#1 Bus 28:11. Oburemeezi bw'emisomaari bwaba shekeli z'ezaabu makumi ataano. Kandi ebishengye bya kaanyina-ibiri nabyo yaabishweka ezaabu.
10 #
1 Bag 6:23-28. Omu Mwanya ogurikwera munonga yaatamu ebishushani bya baakerubi ebi yaakozire omu mbaaho, yaabishweka ezaabu. 11Amapapa ga baakerubi bombi, goona hamwe gaaba mikono makumi abiri oburaingwa; eipapa ry'omwe erya mikono etaano ryahika aha kisiika ky'enju, kandi erindi ipapa, naryo rya mikono etaano, ryahika aha ipapa rya kerubi ondiijo; 12kandi eipapa rya kerubi ogwo owa kabiri rya mikono etaano ryahika aha kisiika ky'enju, n'erindi, naryo rya mikono etaano, ryahika aha ipapa rya mugyenzi we ow'okubanza. 13Gatyo amapapa ga baakerubi abo gaaba mikono abiri oburaingwa. Ebishushani bya baakerubi bikaba byemereire, nibireeba ekishengye kya hekalu eky'ahagati. 14#Kur 26:31. Kandi yaakora omukingo omu myenda ya bururu, bujwa, karara na kitaani, yaagutarizamu ebishushani bya baakerubi.
15 #
1 Bag 7:15-20; 2 Bag 25:13, 17; 2 Bus 3:15, 16. Omu maisho g'egyo nju yaabyaramu enyomyo ibiri ez'oburaingwa bwa mikono makumi ashatu n'etaano, buri emwe eine omutwe gwa mikono etaano; 16yaaheesha emikuufu erikushusha enkwanzi, yaagijweka omu mitwe y'ezo nyomyo; yaaheesha ebishushani igana by'ebijuma by'amakomamahanga, yaabihanika ahari egyo mikuufu. 17#1 Bag 7:21. Atyo yaabyara ezo nyomyo omu maisho ga hekalu, emwe aha rubaju rw'obukiizi-bwa-buryo, endiijo aha rwa bumosho; ey'aha rwa buryo yaagyeta Yakiini, n'ey'aha rw'obwa bumosho yaagyeta Boazi.
Currently Selected:
2 Eby'omu Busingye 3: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
