2 Eby'omu Busingye 4
4
Sulemaani okukora ebindi bintu bya hekalu
1 #
2 Bus 7:7; 8:12. Kandi yaakora eitambiro ry'emiringa, oburangwa bwaryo mikono makumi abiri, obuhango bwaryo mikono makumi abiri, n'obwemi bwaryo mikono ikumi. 2#1 Bag 7:23-26. Bwanyima yaaheesha ekitanka ky'amaizi ekyezigoire; okukicwekanisa mikono ikumi, obwemi bwakyo mikono etaano, kandi okwehinguririza omugoma gwakyo mikono makumi ashatu. 3Kandi ahansi y'obugyenyero bwakyo haakiikizeamu ebishushani by'ebisisi biri omu mishorongo ebiri, biheesherainwe nakyo. 4Ekyo kitanka kikaba kiteekirwe aha bishushani by'enimi ikumi na ibiri, bishatu nibireeba aha bukiizi-bwa-bumosho, bishatu aha burengyerwa-izooba, bishatu aha bwa-buryo, na bishatu aha burugwa-izooba; ekyo kitanka kiteekirwe ahaiguru yaabyo, biteeraine ebibunu. 5Omubiri gwakyo gukaba guri ekita kimwe; eminwa yaakyo ekaba ekozirwe nk'ey'ekikopo, nari nk'ekirabyo ky'emyangangye; nikigiibwamu encuro enkumi ishatu z'ebinyungu bihango. 6#1 Bag 7:38, 39. Kandi yaakora ebinaabiro ikumi by'okunaabiramu; bitaano yaabita aha rubaju rw'obukiizi-bwa-buro, n'ebitaano aha rw'obwa bumosho. Ebyo nibyo baabaire bamunyungurizamu ebintu ebi baabaire bakoresa ahabw'ebitambo by'okwotsya, kandi ekitanka nikyo abanyamurwa baabaire banaabiramu.
7 #
1 Bag 7:40; Kur 25:31-39; 27:20-21. Kandi yaakora ebikondo by'ezaabu ikumi, nk'oku kyaragiirwe, yaabita omuri hekalu, bitaano aha rubaju rw'obukiizi-bwa-buryo, n'ebitaano aha rwabumosho. 8#1 Bag 7:48. Kandi yaakora emeeza ikumi, yaazita omuri hekalu, itaano aha rubaju rwa buryo, na itaano aha rwa bumosho; yaakora n'enyabya z'ezaabu igana. 9#1 Bag 6:13, 36. Yaakora ekikaari ky'abanyamurwa, n'ekikaari ekirikwetwa ekihango, n'enyigi zaakyo, kandi ezo nyigi yaazishwekyesa emringa. 10#1 Bag 7:39. Ekitanka yaakita aha nshonda y'orubaju rwa buryo rw'oburugwa-izooba bw'egyo nju.
11 #
1 Bag 7:40-51. Kandi na Huraamu yaakora ebinaabiro, n'ebyoma by'okuyooza eiju, n'enyungu. Atyo Huraamu yaaheza omurimo ogu yaakozire omu nju ya Ruhanga ahabw'omugabe Sulemaani;#1 Bag 7:13, 14. 12enyomyo ibiri, n'enyaba, n'emitwe ebiri aha mitwe y'ezo nyomyo, n'obutimba bubiri bw'okushweka enyabya ibiri ez'aha mitwe y'ezo nyomyo; 13#1 Bag 7:20. ebishushani by'ebijuma by'amakomamahanga eby'okuhunda aha butimba bwombi obwabaire buri aha mitwe y'enyomyo. 14#1 Bag 7:38, 39. Kandi yaakora ebitebe n'ebinaabiro aharibyo, 15n'ekitanka kimwe n'ebishushani by'enimi ikumi na bibiri ebyabaire biri ahansi yaakyo. 16#1 Bus 28:17. Ebiyungu n'ebyoma by'okuyooza eiju, kandi n'eby'okwihuza enyama, n'ebintu byabyo byona eby'okubikoresa, Huraamu yaabikorera enju ya MUKAMA omu miringa ekuubire ahabw'omugabe Sulemaani. 17Omugabe yaabiyagiza omu ruhita rwa Yorudani omu itaka ry'eibumba ahagati ya Sukoosi na Zereda. 18Sulemaani yaakora ebintu bingi munonga ebi, oburemeezi bw'emiringa yaabyo bwabaire butarikubaasa kumanywa.
19Atyo Sulemaani yaakora ebintu byona eby'okuta omu nju ya MUKAMA; eitambiro ry'ezaabu, emeeza z'emigaati y'okumurikwa, 20ebikondo by'amatabaaza n'amatabaaza gaabyo g'ezaabu eshemeziibwe g'okwakira omu maisho g'Omwanya ogurikwera ogw'omunda, nk'oku kyaragiirwe; 21ebishushani by'ebirabyo, amatabaaza n'empana z'ezaabu, byona byaba eby'ezaabu eshemeziibwe munonga; 22makansi, enyabya, esohaani z'obubaane n'eby'okuguhisa omuriro eby'ezaabu eshemeziibwe; kandi epata z'enyigi ez'ekishengye kya hekalu, n'ez'Aharikwera munonga, zikaba ziri ez'ezaabu.
Currently Selected:
2 Eby'omu Busingye 4: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
