2 Eby'omu Busingye 2
2
Sulemaani okushaba Huraamu kumuha abafundi b'okwombeka hekalu
1 #
1 Bag 5:5. Omu biro ebyo Sulemaani akamariira kwombekyera eiziina rya MUKAMA hekalu, kandi n'okweyombekyera nyaruju y'obugabe. 2#1 Bag 5:15, 16; 9:20, 21. Yaataho abantu obukumi mushanju b'okwekorera, obukumi munaan b'okuhigura amabaare omu nshozi, n'enkumi ishatu na magana mukaaga b'okubareeberera. 3#1 Bag 5:2-11. Kandi Sulemaani yaatuma ahari Hiraamu omugabe wa Tuuro, ati: Nk'oku waabaire ogirira tata Daudi, okamutwekyera emyereezi y'okweyombekyera enju y'okutaahamu, naanye obe nikwo wangirira.#1 Bus 14:1. 4#Kur 30:7; Lev 24:5-8; Kub 8:3-8; 28:9, 11. Reeba, niinyenda kwombekyera eiziina rya MUKAMA Ruhanga wangye enju, n'okugimushoroorera, ngu mbone kugyotereramu obubaane oburikutaamirana omu maisho ge n'okuguma nimpongyeramu emigaati y'okumurikwa, n'okutambiramu ebitambo by'okwotsya obutoosha omu kasheeshe n'omu mwabazyo, ahari sabato, aha kuboneka kw'okwezi, n'aha magyenyi ga MUKAMA Ruhanga waitu agatairweho, nk'oku byaragiirwe Abaisraeli kuguma nibabikora ebiro byona. 5#1 Bus 16:25; Kur 15:11; Zab 86:8; 135:5. Enju ei ndikwenda kwombeka neija kuba mpango munonga; ahabw'okuba Ruhanga waitu ni mukuru okukira baaruhanga boona. 6#1 Bag 8:27; Isa 66:1; Byak 7:49. Mbwenu n'oha orikubaasa kumwombekyera enju, ku araabe atarikuhika mu iguru, n'obu ryakuba iguru eririkweshumba agandi? Mbwenu niinye oha kumwombekyera enju, kureka ebe ey'okwotereramu obubaane omu maisho ge? 7#1 Bus 22:15. Mbwenu nyoherereza omushaija omunyamyoga, ow'okukora eby'ezaabu, eby'efeeza, eby'emiringa, n'eby'ebyoma, kandi n'eby'emyenda ya bujwa, eya karari, n'eya bururu, kandi orikumanya kusharura amabara, agume n'abanyamyoga abu nyine omuri Yuda na Yerusaalemu, abu tata Daudi yaataireho. 8Kandi ontwekyere embaaho z'emyereezi n'emiberooshi n'emiti ya aligumu ebya Lebanooni; ahakuba nimmanya abashaija baawe ku barikumanya kushara ebiti by'embaaho omuri Lebanooni. Kandi abashaija bangye baryakwatanisa n'abaawe, 9babone kunteekateekyera embaaho nyingi munonga; ahakuba enju ei ndikwenda kwombeka neija kuba mpango kandi erikutangaaza. 10Kandi ndyaha abashaija baawe, ababaizi b'okushara embaaho, encuro z'engano ezihwire obukumi bubiri, n'encuro za sayiri obukumi bubiri, n'enjoga za viinyo obukumi bubiri, n'entsimbo z'amajuta obukumi bubiri.
11 #
2 Bus 9:8. Hiraamu omugabe wa Tuuro yaahandikira Sulemaani ebaruha, ei yaamutwekyeire, naamugarukamu ati: Ahabwa MUKAMA kukunda abantu be, nikyo akugiriire omugabe waabo. 12Hiraamu yaagaruka yaagira ati: MUKAMA Ruhanga wa Israeli, owaahangire eiguru n'ensi, ahimbisibwe, ahabw'okuba ahaire Daudi omwana w'obwengye, omwerinzi kandi orikwetegyereza, kuba niwe yaayombekyera MUKAMA enju, kandi n'okweyombekyera nyaruju y'obugabe.
13Mbwenu naayohereza omushaija omunyamyoga, orikwetegyereza munonga, orikwetwa Huraamu, 14#1 Bag 7:14. mutabani w'omukazi ow'omuri beene Daani, ou ishe yaabaire ari owa Tuuro. Ogwo mushaija akeegyesibwa kukora eby'ezaabu, eby'efeeza, eby'emiringa, eby'ebyoma, eby'amabaare n'eby'ebiti, kandi n'eby'emyenda ya bujwa, eya bururu, eya karari n'eya kitaani; kandi naamanya n'okusharura amabara g'emiringo yoona n'okukora ekintu kyona, eki bamuhaire eky'okureeberaho kyakyo; mbwenu akwatanise n'abanyamyoga baawe, nibo ba mukama wangye omugurusi waawe Daudi. 15N'ahabw'ekyo engano na sayiri, n'amajuta na viinyo, ebi mukama wangye agambireho, abitwekyere abairu be; 16naitwe nitwija kushara embaaho zoona ezi orikwetenga omuri Lebanooni, tuzikomerane zibe nk'ebibaya, tuzirabye omu nyanja, tuzikureetere Yoopa, obone kuzitwara Yerusaalemu. 17#1 Bus 22:2. Bwanyima Sulemaani yaabara abanyamahanga boona, abaabaire bari omu nsi ya Israeli, nk'oku Daudi ishe yaababazire. Yaashanga bari akasiriira kamwe n'obukumi butaano n'enkumi ishatu na magana mukaaga. 18#2 Bus 2:2. Yaiha omuribo abantu obukumi mushanju, baaba ab'okwekorera, obukumi munaana ab'okuhigura amabaare omu nshozi, n'enkumi ishatu na magana mukaaga baaba abanyampara b'okubakoresa.
Currently Selected:
2 Eby'omu Busingye 2: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
