1 Timoseo 3

Emitwarize eshemereire abareeberezi n'abadiikoni

1 # Byak 20:28. Ekigambo eki n'eky'amazima. Omuntu ku ayenda omurimo gw'omureeberezi, aba akunzire omurimo murungi. 2#Tit 1:6, 7. Mumanye ngu omureeberezi ashemereire kutagira ki arikugaywaho, omushaija oine omukazi omwe, omwerinzi, omunyabwengye, omukwata mpora, orikukunira abagyenyi, orikurahukirwa kwegyesa, 3otarikusinda, otarikurwana, kureka orikutwaza gye, otarikutongana, otarikukunda mpiiha, 4#1 Sam 2:23, 24. orikutegyeka gye eka ye, ou abaana be barikworobera bakamuha ekitiinisa omu miringo yoona; 5(omuntu otarikumanya kutegyeka ab'omu ka ye, naabaasa ata kutegyeka ekanisa ya Ruhanga?) 6tashemereire kuba Mukristaayo musya, obundi atakaayetunguura, akagwa, akacwerwa orubanja nk'oru Sitaane yaacwereirwe; 7#2 Kor 8:21. kandi ashemereire kuba orikusiimwa ab'aheeru, arekye kujumwa n'okugwa omu mutego gwa Sitaane.

8Kandi abadiikoni nabo bashemereire kuba abeerinzi abatarikugambira habiri, abatarikunywa viinyo nyingi, abatarikwetenga nshaagi, 9abarikurinda enaama y'okwikiriza, abaine omutima ogutarikweshinja. 10Kandi abo babanze bagyezibwe; ku baraashangwe bataine ki barikugaywaho, babone kukora omurimo gw'obudiikoni. 11#Tit 2:3. Abadiikoni nabo bashemereire kuba abeerinzi, abatarikubeiherera bandi, abatarikukunda birikusinza, kandi abeesigwa omuri byona. 12Abadiikoni babe abashaija abaine omukazi omwe, abarikutegyeka gye abaana baabo n'abamaka gaabo; 13ahakuba abaheereza gye omu murimo gw'obudiikono beetungira eiziina rirungi n'obumanzi bwingi omu kwikiriza okuri omuri Kristo Yesu.

14 # 1 Kor 5:9, 11. Nyine amatsiko g'okwija okwo juba; kwonka naakuhandiikira ebyo, 15ngu, ku ndiba ntarahukire kwija, omanye oku abantu bashemereire kutwaza omu nju ya Ruhanga, niyo kanisa ya Ruhanga ohuriire, enyomyo kandi obuhamizo bw'amazima. 16#Mak 16:19. Kandi tihariho kubanganisa, enaama y'ediini yaitu ku eri nkuru buzima, erikugira eti: Akoorekwa aine omubiri, yaahamibwa Omwoyo, yaareebwa baamaraika, yaabuurirwa omu mahanga, yaikirizibwa ab'omu nsi, yaatwarwa omu iguru kutaaha omu kitiinisa.

Currently Selected:

1 Timoseo 3: RR64

Highlight

Copy

Compare