1 Timoseo 2

Emitwarize y'Okushaba

1 # Fil 4:6. Eky'okubanza, nimbeehanangiriza kushabira abantu boona, n'okubeeshengyerereza, n'okubatonganira, n'okubasiimira Ruhanga; 2mushabire abagabe n'abategyeki boona tubone kugira obusingye tutebeekane, nitutiina Ruhanga kandi nitwerinda omu buryo bwona. 3Eki nikyo kirungi kandi ekishemeire omu maisho ga Ruhanga Omujuni waitu, 4#Yer 31:34; 2 Pet 3:9. oyenda ngu abantu boona bajunwe, bamanyire kimwe amazima; 5#Heb 12:24. ahakuba hariho Ruhanga omwe, kandi n'Omuteerani omwe owa Ruhanga n'abantu, ogwo muntu ni Kristo Yesu, 6#Gal 1:4. owaayehaireyo kuba ow'okucungura abantu boona. Ebyo bikahamibwa omu bunaku bwabyo; 7#2 Tim 1:11. nyowe nkateebwaho kuba omubuurizi waabyo kandi entumwa, (ningamba amazima, tindikubeiha), n'omwegyesa w'Abanyahanga kubeegyesa okwikiriza n'amazima.

Emitwarize eshemereire abakazi

8N'ahabw'ekyo niinyenda ngu abashaija babe nibo baashaba omu myanya yoona, nibaimutsya emikono erikwera bataine kiniga nari empaka. 9#1 Pet 3:3-5. Kandi abakazi bo bagume beecume, bajware ebijwaro ebibashemereire, baine obucureezi n'okwerinda, barekye kutisba eishokye, n'obu kwakuba okujwara ezaabu nari eruuru nari ebijwaro by'obuguzi bwingi, 10kureka bakore emirimo miringu eshemereire abakazi abeeyeta abarikutiina Ruhanga. 11Omukazi agume ayegye ahunami omu kworoba kwona. 12#1 Kor 14:34. Ahakuba tindikwikiriza mukazi kubuurira nari kutegyeka abashaija; kureka agume ahunami. 13Ahakuba Adamu niwe yaabandize kuhangwa, haakurataho Haawa; 14#2 Kor 11:3. kandi Adamu tiwe yaabeihabeihirwe, kureka omukazi niwe yaabeihabeihirwe, akahinduka omusiisi. 15Kwonka omukazi ku ariguma omu kwikiriza, omu kukunda, omu kwera, hamwe n'omu kwerinda, aryaguma atabaarukye gye omu kuzaara abaana.

Currently Selected:

1 Timoseo 2: RR64

Highlight

Copy

Compare