1 Timoseo 4

Okurwanisa enyegyesa y'ebishuba

1 # 2 Tim 3:1; Yud 1:18. Kwonka Omwoyo naagamba butunu ati: Omu biro ebya bwanyima bamwe baryareka okwikiriza ahabw'okuhurira emyoyo erikuhabya n'okwegyesa kwa baadaimoni, 2bahabisibwe oburyarya bw'abantu abarikubeiha ebishuba, abaine emitima etakihuriira, nk'esiriiziibwe ekyoma ekirukwotsya, 3#1 Kor 10:31. abaziza okushwera, kandi eby'okurya ebi Ruhanga yaahangiire abarikwikiriza bakamanya amazima ngu babyakiire n'okusiima. 4#Byak 10:15. Ahakuba eki Ruhanga yaahangire kyona ni kirungi; kandi tihariho kirikuzira, ku kiba kyakiirwe n'okusiima; 5ahakuba nikiba kyeziibwe ekigambo kya Ruhanga n'okushaba.

Emitwarize eshemereire abaheereza ba Kristo

6Ku orishobororera ab'eishe-emwe ebigambo ebyo, oryaguma ori omuheereza murungi wa Kristo Yesu, orikutungwa ebigambo by'okwikiriza n'eby'enyegyesa nungi ei waakuratiire. 7#Tit 1:14; 3:9. Ebiteekyerezo by'ebigunjano eby'abakaikuru, ebitari bya Ruhanga, otaribiikiriza. Yemanyiize okutiina Ruhanga; 8#1 Tim 6:6. ahakuba okwemanyiiza eby'omubiri nikugasha kakye, kwonka okwemanyiiza okutiina Ruhanga nikugasha omu muringo gwona, ahakuba kwine eki kuturaganisa aha magara g'ebiro ebi n'ag'ebiro ebiriija. 9Ekigambo ekyo n'eky'okwesigwa, kandi kishemereire kwikiririzibwa kimwe. 10#1 Tim 2:3, 4. Nikyo tufeera kubi, kandi nikyo twezirikira, ahakuba twesiga Ruhanga ohuriire, Omujuni w'abantu boona, na buzima ow'abarikwikiriza.

11Ebyo obiragiire kandi obyegyese. 12Hatagira owaagaya obutsigazi bwawe, kureka obe eky'okureeberaho aha barikwikiriza omu kugamba n'omu mitwarize, omu kukunda, omu kwikiriza n'omu kugira omutima ogushemeire. 13Oyezirikye kushomera abantu Ebyahandiikirwe, n'okubuurira, n'okwegyesa, okuhitsya obu ndiija. 14#1 Tim 5:22. Otarireka kukoresa ekiconco eki oine, eki waahairwe ahabw'ebi waagambirweho baanabi, obu abakuru baakutaho engaro. 15Ebyo obyezirikire, obe nibyo waataho omutima, boona bareebe oku orikweyongyera kugyenda omumaisho. 16Oyerinde iwe wenka, kandi n'omu bi orikwegyesa. Ogumizemu n'ebyo; ahakuba omu kukora otyo, noija kwejuna, kandi ojune n'abarikukuhurira.

Currently Selected:

1 Timoseo 4: RR64

Highlight

Copy

Compare