1 Petero 2
2
Eibaare eryayangirwe abantu ery'obuguzi bwingi
1 #
Yak 1:21. N'ahabw'ekyo mujuure eitima ryona n'obugobya bwona n'oburyarya bwona n'eihari ryona n'okubeiherera abandi kwona. 2#Mat 18:3. Mube nk'abaana abeereere, mwetengye amate g'Omwoyo agatafungwire, gabakuze, gabahitsye aha kujunwa, 3#Zab 34:8. ku muraabe mwarorize aha mbabazi za Mukama waitu.
4 #
Zab 118:22; Isa 28:16. Mwije ahariwe, niwe ibaare erihuriire, eryayangirwe abantu, kwonka ahari Ruhanga eritoorainwe, ery'obuguzi bwingi; 5kandi naimwe nk'amabaare agahuriire mwombekirwe okuba enju y'omwoyo, n'oruganda rw'abanyamurwa abarikwera ab'okutamba ebitambo by'omwyo ebirikusiimwa Ruhanga ahabwa Yesu Kristo. 6Ahakuba omu Byahandiikirwe kikahandiikwa ngu:
Reeba, ninta omuri Saayuuni eibaare ry'obuhamizo bw'enju,
Eritoorainwe ery'obuguzi bwingi;
Kandi orikumwikiriza tarikwatwa nshoni.
7N'ahabw'ekyo ahariimwe abarikwikiriza n'Ow'obuguzi bwingi, kwonka aha batarikwikiriza kikahandiikwa ngu,
Eibaare eri abombeki baayangire
Niryo ryahindukire ery'obuhamizo bw'enju;
8 #
Rom 9:33. kandi ngu,
N'eibaare eriteeza abantu entsibo,
N'orukiri orubagwisa,
bateera entsibo, ahabw'okuba tiboorobera kigambo, nk'oku baakiteereirweho ira.
9 #
Byak 26:18; Kush 1:6. Kwonka imwe muri oruganda orutoorainwe, n'abanyamurwa b'obukama, eihanga eririkwera, abantu abu Ruhanga yaayetooraniire, ngu mubone kworeka oburungi bw'Owaabeetsire okuru omu mwirima, okutaaha omu mushana gwe ogurikutangaaza. 10#Hos 2:23. Ira mukaba mutari ihanga, kwonka hati muri eihanga rya Ruhanga; ira mukaba mutasaasiirwe, mbwenu hati musaasiirwe.
11 #
Gal 5:24. Abarikukundwa, nimbeeshengyereza nk'abagyenyi kandi abagyenzi, mwerinde okwetenga okubi okw'omubiri okutuura nikurwanisa amagara gaanyu, 12#Yak 3:13. mugire emicwe mirungi omu Banyamahanga, kandi ku baraaze kubagambuura nibabeeta enkozi z'ebibi, bareebe ebirungi ebi murikukora, bahimbise Ruhanga omu bunaku bw'okutaayaayirwa. 13#Tit 3:1. Ahabwa Mukama mworobere obutegyeki bwona obw'abantu, yaaba buri obw'omugabe nk'omutwe gwa boona, 14nari obw'abategyeki nk'abatairweho Ogwo kuhana enkozi z'ebibi, n'okusiima abarikukora gye. 15#1 Pet 3:16. Ahakuba eki Ruhanga akunda n'eki ngu okukora gye kwanyu kubumbe akanwa k'abashema babure eky'okubagambaho omu butamanya bwabo. 16#Gal 5:13. Mugire obusingye, kwonka obusingye bwanyu mutabukoresa nk'eky'okushwekyerera obubi, kureka mube abahuuku ba Ruhanga. 17Muhe abantu boona ekitiinisa. Mukunde ab'eishe-emwe. Mutiine Ruhanga. Muhe omugabe ekitiinisa.
Kristo eky'okureeberaho kyaitu omu kubonabona
18 #
Efe 6:5. Imwe abahuuku, mworobere bakama baanyu nimubaha ekitiinisa kyona, ti barungi n'abarikutwaza gye bonka, kureka n'abanyamwaga nabo. 19Ahakuba omuntu asiimwe, yaagumisiririza obusaasi naaturwa busha, ahabw'okugira omutima murungi ahari Ruhanga. 20#1 Pet 3:14; 4:13, 14. Mbwenu nimusiimwa ki, ku muraabe nimuteerwa ahabw'okukora kubi mukagumisiriza? Kwonka ku murikukora gye, mwabonabonesibwa, mukagumisiriza, ekyo nikyo kirikusiimwa ahari Ruhanga. 21#Yoh 13:15. Kandi nikyo mwayeteirwe, ahakuba na Kristo akabonabonesibwa ahabwanyu, yaabatsigira eky'okureeberaho, ngu mutoore omuhanda ogu yaarabiremu. 22#Isa 53:9; 2 Kor 5:21. We tarakozire kibi; n'omu kanwa ke tihararugiremu bugobya. 23Ku yaajumirwe, tiyaabagarurira; ku yaabonabonesiibwe, tiyaabahayira, kureka kaeehayo ahari Ogwo ocwa emanja z'amazima. 24#Rom 6:11; Heb 9:28. Niwe yaayekoreire ebibi byaitu omu mubiri gwe aha muti, ngu itwe abaherize kufa aha bibi, tugire amagara omu kuhikiirira. 25#Isa 53:6. Ahakuba mukaba nimuhaba nk'entaama, kwonka hati mugarukire aha Muriisa kandi Omureeberezi w'amagara gaanyu.
Currently Selected:
1 Petero 2: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
