1 Petero 1
1
1 #
Yak 1:1. Nyowe Petero, entumwa ya Yesu Kristo, naabahandiikira imwe abaanyagirwe, mukataataanira omuri Ponto, Galatia, Kapadokia, Asia na Bitunia, 2#Heb 12:24. abaatoorainwe Ruhanga Isheboona, nk'oku yaabamanyire ira, mukeezibwa Omwoyo, ngu mworobere Yesu Kristo, kandi ngu mumiisiirwe eshagama ye. Embabazi n'obusingye bikanye omuriimwe.
Omugasho oguri omu kugyezibwa
3Ruhanga, Ishe wa Mukama waitu Yesu Kristo, asiimwe! Ahabw'embabazi ze nyingi akatuzaara obwa kabiri ngu tugire amatsiko agatahwaho ahabw'okuzooka omu bafu kwa Yesu Kristo; 4ngu tutungye obuhunguzi obutarikubaasa kuhwerekyerera, obutarikusiisikara, kandi obutarikuhunduuka, obwababiikiirwe omu iguru, 5#1 Kor 2:5. imwe abarindwa amaani ga Ruhanga ahabw'okwikiriza, murindiirwe okujunwa okurishuuruurwa aha kiro ky'aha mperu. 6#Heb 12:11; Yak 1:2. Ebyo nimubishemerererwa, n'obu muraabe hati mushemereire kumara akaanya kakye nimushaasha ahabw'okugyezibwa okw'emiringo mingi, ku kiraabe nikyetengwa, 7#Enf 17:3; 1 Pet 4:12. ngu okwikiriza kwanyu kuhamibwe ku kuri okw'amazima, kandi ku kurikukiza ezaabu obuguzi bwingi (mumanye ngu ezaabu, n'obu eraabe eri erikuhwaho, ehamibwa yaagyezibwa omu muriro) kandi okugyezibwa kw'okwikiriza kwanyu kubareetere okusiimwa n'ekitiinisa n'okuhimbusibwa aha kushuuruurwa kwa Yesu Kristo. 8#Yoh 20:29. Ogwo mumukunda, mutakamureebaga; kandi n'obu muraabe mutarikumureeba hati, nimumwikiriza, mumushemerererwa n'okwesiima okutarikubaasa kushoboororwa okwine ekitiinisa kingi, 9nimuheebwa okujunwa kw'amagara gaanyu, nk'ebihembo by'okwikiriza kwanyu.
10 #
Mat 13:17. Eby'okujunwa okwo baanabi abaaragwire eby'embabazi ezi mwabaire nimwija kuheebwa, bakeezirika kubisherura n'okubishobooroza, 11#Luk 24:26, 27. nibabuuza obunaku n'obumanyiso bwabwo oku buri, obu baayorekirwe Omwoyo wa Kristo owaabaire ari omuribo, naabamanyisa obusaasi bwa Kristo butakabaireho, n'ekitiinisa ekiribaho bwanyima y'ebyo. 12Kandi nabo bakashuuruurirwa, baamanya ngu ti habw'abo bonka, kureka n'ahabwanyu, baaragura ebigambo, ebi mugambiirwe omu biro ebi abantu abaababuuriire ebigambo birungi ahabw'Omwoyo Orikwera owaatumirwe naaruga omu iguru; kandi ebigambo ebyo na baamaraika nibeetenga kubyetegyereza.
Okwera ahabw'okucungurwa eshagama ya Kristo
13 #
Luk 12:35. N'ahabw'ekyo mwezirikye mugume emitima, mwerinde, mute amatsiko gaanyu aha mbabazi eziribareeterwa aha kiro ky'Okushuuruurwa kwa Yesu Kristo. 14#Efe 2:3. Mube nk'abaana abarikuhurira, mutashushanisibwa nk'oku mwabaire muri, nimukurata okwetenga okubi omu butamanya bwanyu obwa ira; 15kureka nk'Ogwo owaabeetsire oku ari orikwera, naimwe mube nikwo mwaba abarikwera omu micwe yaanyu yoona; 16ahakuba kikahandiikwa ngu: Muryaba abarikwera, ahabw'okuba nyowe ndi orikwera. 17#Mal 1:6. Kandi ku muraatakire Ogwo nka Shoimwe, ocwera omuntu weena orubanja orushemereire ebi yaakozire, atarikweta aha kitiinisa kye, mumare ebiro by'obushuhuuki bwanyu nimutiina. 18#1 Kor 6:20. Nimumanya ku mutaracunguziibwe bintu ebihwaho nk'efeeza n'ezaabu okuruga omu micwe yaanyu etaine mugasho ei mwahungwire ahari baashwenkuriimwe, 19#Heb 9:14. kureka Kristo kabacungura n'eshagama ye ey'obuguzi bwingi, nk'ey'omwana gw'entaama ogutaine kamogo n'obu ryakuba eibara; 20owaamanyirwe ira ensi etakahangirwe, kwonka akoorekwa omu bunaku bw'aha mperu ahabwanyu, 21#Rom 4:24. imwe abu yaahaire okwikiriza Ruhanga, owaamuzoire omu bafu, akamuha ekitiinisa, ngu okwikiriza kwanyu n'amatisko gaanyu bibe omuri Ruhanga.
22 #
1 Yoh 5:1. Mbwenu nk'oku muherize kweza amagara gaanyu omu kworobera amazima, ngu mubone kukunda ab'eishe-emwe mutarikuryarya, mukundane munonga mwihire aha mutima. 23#Yoh 1:13. Ahakuba mukaheza kuzaarwa obwa kabiri, mutazairwe mbibo erikujunda, kureka etarikujunda, nikyo kigambo kya Ruhanga ekihuriire kandi ekigumaho; 24#Isa 40:6-8. ahakuba
Emibiri yoona eba nk'obunyaatsi
N'oburungi bwayo buba nk'orurabyo rw'obunyaatsi;
Obunyaatsi buhonga, n'orurabyo ruhunduura,
25Kwonka ekigambo kya Ruhanga kigumaho ebiro byona. Kandi ekigambo ekyo nibwo butumwa burungi obu mwagambiirwe.
Currently Selected:
1 Petero 1: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
