Popular Bible Verses from 1 Petero 2

Share

Kwonka imwe muri oruganda orutoorainwe, n'abanyamurwa b'obukama, eihanga eririkwera, abantu abu Ruhanga yaayetooraniire, ngu mubone kworeka oburungi bw'Owaabeetsire okuru omu mwirima, okutaaha omu mushana gwe ogurikutangaaza.

Niwe yaayekoreire ebibi byaitu omu mubiri gwe aha muti, ngu itwe abaherize kufa aha bibi, tugire amagara omu kuhikiirira. Ahakuba mukaba nimuhaba nk'entaama, kwonka hati mugarukire aha Muriisa kandi Omureeberezi w'amagara gaanyu.

Ira mukaba mutari ihanga, kwonka hati muri eihanga rya Ruhanga; ira mukaba mutasaasiirwe, mbwenu hati musaasiirwe.

Mube nk'abaana abeereere, mwetengye amate g'Omwoyo agatafungwire, gabakuze, gabahitsye aha kujunwa

Abarikukundwa, nimbeeshengyereza nk'abagyenyi kandi abagyenzi, mwerinde okwetenga okubi okw'omubiri okutuura nikurwanisa amagara gaanyu, mugire emicwe mirungi omu Banyamahanga, kandi ku baraaze kubagambuura nibabeeta enkozi z'ebibi, bareebe ebirungi ebi murikukora, bahimbise Ruhanga omu bunaku bw'okutaayaayirwa.

kandi naimwe nk'amabaare agahuriire mwombekirwe okuba enju y'omwoyo, n'oruganda rw'abanyamurwa abarikwera ab'okutamba ebitambo by'omwyo ebirikusiimwa Ruhanga ahabwa Yesu Kristo.

N'ahabw'ekyo mujuure eitima ryona n'obugobya bwona n'oburyarya bwona n'eihari ryona n'okubeiherera abandi kwona.

Mwije ahariwe, niwe ibaare erihuriire, eryayangirwe abantu, kwonka ahari Ruhanga eritoorainwe, ery'obuguzi bwingi

Mugire obusingye, kwonka obusingye bwanyu mutabukoresa nk'eky'okushwekyerera obubi, kureka mube abahuuku ba Ruhanga.

Ahakuba eki Ruhanga akunda n'eki ngu okukora gye kwanyu kubumbe akanwa k'abashema babure eky'okubagambaho omu butamanya bwabo.