Yakobo 5

Ekibi ky'abatungi

1 # Luk 6:24. Mbwenu naimwe abatungi, murire, muboroogye ahabw'enaku ezi mwaza kureeba. 2#Mat 6:19. Obutungi bwanyu bujunzire, n'ebijwaro byanyu biriirwe ebiyenje. 3Ezaabu zaanyu n'efeeza zikyereenyire, n'omukyereenyo gwazo guryabashinja, kandi gurye emibiri yaanyu nk'omuriro. Mukeebiikira eitungo ahabw'ebiro by'aha muheru. 4#Mal 3:5. Reeba, ebihembo byabagyesi b'emisiri yaanyu, ebi mwabaimire ahabw'obugobya, nibibarega; kandi n'okurira kw'abashaaruuzi kuhikire omu matu ga Mukama ow'amahe. 5#Luk 16:19. Mukatuura omu nsi omu kwegira gye n'omu kweshemeza; mukahaazya emitima yaanyu aha kiro ky'okwitwa. 6Mukacwera ohikiriire orubanja, mwamwita, tiyaabangira.

Omugisha ogurikuruga omu kugumisiriza

7 # Yoel 2:23; Heb 10:36. N'ahabw'ekyo B'eishe-emwe, mugumisirize okuhitsya ahu Mukama waitu ariizira. Reeba, omuhingi ategyereza emyaka ei yaahingire ey'obuguzi bwingi, agigumisiririza okuhitsya obu etunga enjura ey'eibiba n'eya katumba. 8Naimwe mugumisirize. Mugumye emitima yaanyu; ahabw'okuba okwija kwa Mukama wiatu kuru haihi. 9B'eishe-emwe, mutaryetomboiterana, nyentsya mutaricwerwa orubanja; reeba, Omucwi w'emanja ayemereire aha rwigi. 10#Mat 5:12. B'eishe-emwe, baanabi abaabagambiire omu iziina rya Mukama, mubatware nk'eky'okureeberaho eky'okubonabona n'okugumisiriza. 11#Yob 1:21, 22; Zab 103:8. Mumanye ngu abagumisiriza tubeeta abahiiriirwe. Mukahurira aha kugumisiriza kwa Yobu, kandi mwareeba eki Mukama yaagyendereire, oku aine embabazi nyingi n'okusaasira.

12 # Mat 5:34-37. Kwonka ekirikukira byona, B'eishe-emwe, mutarirahira eiguru n'obu yaakuba ensi nari okundi kurahira kwona, kureka ekigambo kyanyu kibe Eego, Eego, nari Ngaaha, Ngaaha; mutakaagyibwaho orubanja.

Omugasho gw'okushaba

13Omuriimwe harimu orikushaasha? Ashabe. Harimu oshemereirwe? Ayeshongore eby'okuhimbisa. 14#Mak 6:13. Omuriimwe harimu orwaire? Atume aha bakuru b'ekanisa, bamushabire, bamusiigye amajuta omu iziina rya Mukama; 15#Mak 16:18. n'okushaba okurimu okwikiriza kuryakiza ogwo orwaire, Mukama amwimutsye; kandi ku araabe aine ebibi ebi akozire, aryabisaasirwa. 16N'ahabw'ekyo mweteisizane ebibi byanyu, kandi mushabirane, mubone kukira. Okushaba kw'ohikiriire kugira amaani maingi omu kukora kwakwo. 17#Luk 4:25; 1 Bag 17:1. Eliya akaba ari omuntu nkaitwe; yaashaba munonga ngu enjura erekye kugwa; n'enjura yaamara emyaka eshatu n'ameezi mukaaga etarikugwa ha nsi. 18#1 Bag 18:42. Yaagaruka yaashaba, eiguru ryagwisa enjura, eitaka ryameza emyaka yaaryo.

19B'eishe-emwe, omuntu weena omuriimwe ku araahabe, yaaruga omu mzima, ondiijo yaamugarura, 20#Zab 51:13. mumanye ngu orikuhindura omusiisi akamwiha omu muhanda ogu yaahabiiremu, aryaba akirize amagara ge okufa, kandi aryaba ashwekire ebibi bingi munonga.

Currently Selected:

Yakobo 5: RR64

Highlight

Copy

Compare