1 Yohaana 4

Emyoyo ey'amazima n'ey'ebishuba

1 # 1 Tes 5:21; Mat 7:15. Abarikukundwa, mutaikiriza buri mwoyo gwona, kureka mubanze mwetegyereze emyoyo ku eraabe eri eya Ruhanga; ahakuba baanabi baingi ab'ebishuba baizire omu nsi. 2#1 Kor 12:3. Aha niho tumanyira Omwoyo wa Ruhanga; buri mwoyo gwona ogugamba ku Yesu Kristo yaiziire omu mubiri, guba niguruga ahari Ruhanga; 3#1 Yoh 2:18. kandi omwoyo gwona ogutagamba Yesu gutyo, guba gutari gwa Ruhanga. Ogwo n'omwoyo gwa antikristo ogu mwahuriire ngu nigwija, kandi na hati gwahikire omu nsi. 4#Mat 12:29. Imwe abaana bato, muri aba Ruhanga, kandi mubasingwire, ahakuba Ori omuriimwe ni mukuru okukira ori omu nsi. 5Bo n'ab'ensi; n'ahabw'ekyo nibagamba eby'ensi kandi n'ensi neebahurira. 6#Yoh 8:47. Itwe turi aba Ruhanga. Omuntu weena omanya Ruhanga atuhurira; kandi otari wa Ruhanga tatuhurira. Aho niho tumanyira omwoyo ogw'amazima, n'omwoyo ogurikuhabya.

Ruhanga ni rukundo

7Abarikukundwa, tukundane, ahakuba okukunda kuruga ahari Ruhanga, kandi omuntu weena ogira rukundo aba azairwe Ruhanga. 8Otagira rukundo tamanya Ruhanga; ahakuba Ruhanga aba rukundo. 9#Yoh 3:16. Omuri eki nimwo okukunda kwa Ruhanga kwayorekyeirwe ahariitwe, obu yaatuma Omwana we omwe nyamunegyere, ngu tube abahuriire ahabwe. 10Omuri eki nimwo okukunda kuri, tiitwe twakunzire Ruhanga, kureka niwe yaatukunzire, akatuma Omwana we kuba ekarabo ahabw'ebibi byaitu. 11Abarikukundwa, Ruhanga ku araabe yaatukunzire atyo, naitwe tushemereire kukundana. 12#Yoh 1:18. Tihariho muntu orareebire Ruhanga; ku tukundana, Ruhanga aguma omuriitwe, n'okukunda kwe kuhikiirizibw aomuriitwe.

Okuguma omuri Ruhanga, nawe omuriitwe

13Aha niho tumanyira ngu tuguma omuriwe, nawe omuriitwe, ahabw'okuba akatuha aha Mwoyo we. 14#Yoh 3:17. Itwe tukareeba kandi twahamya ku Isheboona yaatumire Omwana we kuba Omujuni w'ensi. 15#1 Yoh 5:5. Omuntu weena orikumanya ku Yesu ari Omwana wa Ruhanga, Ruhanga naaguma omuriwe, kandi nawe naaguma omuri Ruhanga. 16Itwe nitumanya, kandi nitwikiriza okukunda oku Ruhanga atukunda. Ruhanga ni rukundo; kandi oguma omuri rukundo niwe aguma omuri Ruhanga, na Ruhanga akaguma omuriwe. 17Omuri eki nimwo okukunda kuhikiirizibwa omuriitwe, ngu tugire obumanzi tutaritiina aha kiro ky'orubanja, ahakuba nk'oku ari nikwo naitwe turi omu nsi egi. 18Omu kukunda tihabamu bwoba, okukunda okuhikire kubingira aheeru obwoba; ahakuba obwoba bugyenda n'ekiheneso, kandi oine obwoba aba ataine kukunda okuhikire. 19Itwe nitukunda, ahakuba We akabanza kutukunda. 20Omuntu weena ku agira ati, Ninkunda Ruhanga, haza naayanga mugyenzi we, n'omubeihi; ahakuba otakunda mugyenzi we ou arareebire, tabaasa kukunda Ruhanga ou atakareebaga. 21#Mak 12:29-31. Kandi twine ekiragiro eki ekyarugire ahariwe ngu, Orikukunda Ruhanga akunda na mugyenzi we.

Currently Selected:

1 Yohaana 4: RR64

Highlight

Copy

Compare