1 Yohaana 3

Abaana ba Ruhanga n'abaana ba Sitaane

1 # Yoh 1:12, 13. Mureebe okukunda oku Isheboona yaatukunzire oku kuri, itwe okwetwa abaana ba Ruhanga; kandi nikwo turi. Nikyo ensi etatumanyira, ahakuba teramumanyire. 2#Fil 3:21. Abarikukundwa, hati turi abaana ba Ruhanga; oku turiba, tikukamanyirwe; kwonka nitumanya, ngu ku arishuuruurwa, turyashushana nawe, ahabw'okuba turyamureeba nk'oku ari. 3Kandi omuntu weena omwineho amatsiko ago, ayeshemeze nka We oku ari oshemeire.

4Omuntu weena okora ekibi akora eby'obugomi; kandi ekibi nibwo bugomi. 5#1 Pet 2:24. Nimumanya ngu Ogwo akoorekwa kwihaho ebibi, kandi omuriwe tiharimu kibi. 6#Rom 6:14. Weena oguma omuriwe tashiisha; weena oshiishs takamureebaga, n'obu kwakuba okumumanya. 7Imwe abaana bato, hatagira omuntu weena owaabahabya. Okora eby'okuhikiirira niwe ahikiriire, nka We oku ahikiriire. 8#Yoh 8:44. Okora ekibi n'owa Sitaane; ahakuba okwiha iranaira Sitaane ashiisha. Nikyo Omwana wa Ruhanga yaayorekyeirwe kuhwerekyereza emirimo ya Sitaane. 9#1 Yoh 5:18. Weena ozairwe Ruhanga takora kibi; ahabw'okuba embibo ye eguma omuriwe; kandi tabaasa kukora kibi, ahakuba akazaarwa Ruhanga. 10Ekyo nikyo kimanyisa abaana ba Ruhanga n'abaana ba Sitaane; weena otakora eby'okuhikiirira ti wa Ruhanga, n'obu yaakuba otakunda mwene ishe.

Okukundana n'okwangana

11 # Yoh 13:34. Ahakuba obu nibwo butumwa obu mwahuriire okwiha iranaira, ngu tukundane, 12#Kut 4:8. turekye kuba nka Kaini owaabaire ari ow'Omubi, akaita omurumuna. Mbwenu akamwitira ki? ahabw'okuba emicwe ye ekaba eri mibi, kandi ey'omurumuna ekaba eri ey'ohikiriire. 13#Yoh 15:18, 19. B'eishe-emwe, mutatangaara ngu ensi neebanga. 14#Yoh 5:24. Itwe nitumanya ngu tukaruga omu kufa, twataaha omu magara, ahabw'okuba tukunda ab'eishe-emwe. Otaine rukundo aguma omu kufa. 15#Mat 5:21, 22. Weeana orikwanga mwene ishe n'omwitsi; kandi nimumanya ngu tihariho mwitsi oine amagara agatahwaho omuriwe. 16#Yoh 15:13. Aha niho tumanyira rukundo, ahakuba Yesu akahayo amagara ge ahabwaitu; naitwe tushemereire kuhayo amagara gatu ahabwa beene waitu. 17#Bir 15:7. Mbwenu omuntu weena otungire ebintu by'ensi egi, ku yaakureeba mugyenzi we abikyenire, yaamwehuzya, okukunda kwa Ruhanga kukaaguma kuta omuriwe? 18#Yak 2:15, 16. Baana bato, turekye kukundana omu bigambo nari aha rurimi, kureka tukundane omu bi turikukora n'omu mazima.

19Aha niho turikumanyira ko turi ab'amazima, tukagarukwamu emitima omu maisho ge, 20omuri byona ebi etushinja; ahakuba Ruhanga ni mukuru okukira emitima yaitu, kandi naamanya byona. 21Abarikukundwa, emitima yaitu ku eraabe etarikutushinja, twine obumanzi omu maisho ga Ruhanga; 22#Mak 11:24. kandi eki tushaba kyona akituha, ahakuba tworobera ebiragiro bye, kandi tukora ebishemeire omu maisho ge. 23#Yoh 6:29. Kandi eki nikyo kiragiro kye, ngu twikirize eiziina ry'Omwana we Yesu Kristo, kandi tukundane nk'oku yaaturagiire. 24#Yoh 15:4. Boona aboorobera ebiragiro bye baguma omuriwe, nawe aguma omuribo. Kandi aha niho tumanyira ngu aguma omuriitwe, ahabw'Omwoyo ou yaatuhaire.

Currently Selected:

1 Yohaana 3: RR64

Highlight

Copy

Compare