1 Yohaana 5

Okunda Ruhanga ayorobera ebiragiro bye

1Omuntu weena oikiriza ngu Yesu ni Kristo aba azairwe Ruhanga; kandi weena okunda omuzaire aba naakunda n'ou yaazaire. 2Aha niho turikumanyira ngu tukunda abaana ba Ruhanga, ku tukunda Ruhanga, twayorobera ebiragiro bye. 3#Yoh 14:23, 24; Mat 11:30. Ahakuba oku nikwo kukunda Ruhanga, itwe okworobera ebiragiro bye; kandi ebiragiro bye tibirusya. 4#Yoh 16:33. Ahabw'okuba kyona ekizairwe Ruhanga kisingura ensi; kandi obu nibwo businguzi obusingura ensi, nikwo kwikiriza kwaitu. 5Mbwenu n'oha osingura ensi? T'ogwo oikiriza ngu Yesu n'Omwana wa Ruhanga? 6#Yoh 19:34. Ogwo niwe yaizire, akaraba omu maizi n'eshagama, Yesu Kristo, ti mu maizi gonka, kureka omu maizi n'eshagama; 7kandi Omwoyo niwe abihamya, ahabw'okuba Omwoyo nigo mazima. 8Hariho ebirikuhamya bishatu, Omwoyo n'amaizi n'eshagama; kandi ebishatu ebyo biikirizana. 9#Yoh 5:32, 36. Ku turaabe nitwikiriza okuhamya kw'abantu, okuhamya kwa Ruhanga nikukira okwabo; ahakuba okuhamya kwa Ruhanga nikwo oku, ngu akahamya eby'Omwana we. 10#Rom 8:16. Oikiriza Omwana wa Ruhanga aine okuhamya okwo omuriwe. Otaikiriza Ruhanga aba amuhindwire omubeihi, ahabw'okuba aba ataikiriize kuhamya oku Ruhanga yaahamize aha Mwana we. 11Kandi oku nikwo kuhamya okwo, ngu Ruhanga akatuha amagara agatahwaho, kandi amagara ago gari omu Mwana we. 12#Yoh 3:36. Omuntu oine ogwo Mwana niwe aine amagara; otaine Mwana wa Ruhanga taine magara. 13#Yoh 20:31. Ebi naabihandiikira imwe abaikiriza eiziina ry'Omwana wa Ruhanga, ngu mubone kumanya ku mwine amagara agatahwaho. 14#1 Yoh 3:22. Kandi obu nibwo bumanzi obu twine omuriwe, ngu kutushaba ekintu kyona nk'oku akunda, atuhurira. 15Kandi ku turaabe nitumanya ngu atuhurira omuri byona ebi tushaba, nitumanya ngu tutungire ebi twamushabire. 16#Mat 12:31. Omuntu weena ku araareebe mugyenzi we naakora ekibi ekitari ky'okumwitsa, ashabe, kandi Ruhanga aryamuha amagara ahabw'abo abakozire ekibi ekitari ky'okubaitsa. Hariho ekibi ekirikwitsa; ekyo tindikugira ngu, aryakyeshengyerereza. 17Ekitari ky'okuhikiirira kyona kiba ekibi; kwonka hariho ekibi ekitari ky'okwitsa.

18Nitumanya ngu omuntu weena ozairwe Ruhanga takora kibi; ahakuba Ogwo owaazairwe Ruhanga niwe amurinda, kandi Omubi tamukoraho. 19Itwe nitumanya ku turi aba Ruhanga, kandi ensi yoona ku eri omu butegyeki bw'Omubi ogwo. 20#Yoh 17:3. Kandi nitumanya ngu Omwana wa Ruhanga akaija, yaatuha okwetegyereza, ngu tumanye Ow'amazima; naitwe turi omuri Ogwo ow'amazima, niwe Yesu Kristo Omwana we. Ogwo niwe Ruhanga ow'amazima, n'amagara, agatahwaho. 21#1 Kor 10:14. Imwe baana bato 'mwe, mwerinde ebishushani ebirikuramibwa.

Currently Selected:

1 Yohaana 5: RR64

Highlight

Copy

Compare