Popular Bible Verses from 1 Yohaana 3

Share

Baana bato, turekye kukundana omu bigambo nari aha rurimi, kureka tukundane omu bi turikukora n'omu mazima.

Aha niho tumanyira rukundo, ahakuba Yesu akahayo amagara ge ahabwaitu; naitwe tushemereire kuhayo amagara gatu ahabwa beene waitu.

Mureebe okukunda oku Isheboona yaatukunzire oku kuri, itwe okwetwa abaana ba Ruhanga; kandi nikwo turi. Nikyo ensi etatumanyira, ahakuba teramumanyire.

Okora ekibi n'owa Sitaane; ahakuba okwiha iranaira Sitaane ashiisha. Nikyo Omwana wa Ruhanga yaayorekyeirwe kuhwerekyereza emirimo ya Sitaane.

Weena ozairwe Ruhanga takora kibi; ahabw'okuba embibo ye eguma omuriwe; kandi tabaasa kukora kibi, ahakuba akazaarwa Ruhanga.

Mbwenu omuntu weena otungire ebintu by'ensi egi, ku yaakureeba mugyenzi we abikyenire, yaamwehuzya, okukunda kwa Ruhanga kukaaguma kuta omuriwe?

Boona aboorobera ebiragiro bye baguma omuriwe, nawe aguma omuribo. Kandi aha niho tumanyira ngu aguma omuriitwe, ahabw'Omwoyo ou yaatuhaire.

Ekyo nikyo kimanyisa abaana ba Ruhanga n'abaana ba Sitaane; weena otakora eby'okuhikiirira ti wa Ruhanga, n'obu yaakuba otakunda mwene ishe.

Ahakuba obu nibwo butumwa obu mwahuriire okwiha iranaira, ngu tukundane

B'eishe-emwe, mutatangaara ngu ensi neebanga.