Okuma 31
31
Ameesili ehidhaalihiwa Muneba wa Mulugu
(Okuma 35.10-19; 35.30 ofiyedha 36.1)
1 Nabwiya ahiwoga ni Mozezi: 2<<Gihimusakula Bezaleli, mwaana a Uri, oli mwaana a Huri, a nihimo na Zhuda. 3Gihimudhaaliha ni Muneba waaga#31.3 Muneba waagaNaari wi: Muneba wa Mulugu. wi akalena tthottho, ononelamo, ni orandda wa mabasa maatene, 4asasanyege dhoohadhihela dha omeesili ni oro, parata ni mukuwa. 5Teto akalena orandda woolaba ni mabwe ni mithanko, oorandda oosasanya mabasa maatene a omeesili. 6Teto gihimwinka oomukamihedha aaye Oholiyabi, mwaana a Ahisamake a nihimo na Dani. Teto gihaavaha omeesili aatene orandda wi egisasanyele mabasa ayene guurumiliimi: 7musasa woogumanamo, kaxa ya nipangano no waandana, yookuneelanaya, dhaatedhene dhili mba mwemu, 8meeza vamohi ni dhookamihedhavo, extanti ya oro yapama ele voohela panti ni yookamihedhavoya, ni niburo na mukutho wa libani, 9ni niburo na mukutho dhoopaha ni dhookamihedhavo dhaatedhene, basiya ni nthiwana, 10dhoowara dhooriyesesa dhooweelihiwa dha namakutha Aroni, ni dhoowara dha anaaye wi ehiddegena mabasa a onamakutha, 11makura oosakuleliwana mabasa, ni libani noonukwela pama na Mburo Woweela. Alobwana ayo esasanye dhego dhaatedhene ndo mooligana guurumiliimi>>.
Mulugu ohurumiha nlabo noovuma
(Okuma 35.1-3)
12 Nabwiya ahiwoga ni Mozezi: 13<<Owoge ni aEzarayeli, wiiraga: <Mwa ebaribari muubuwelege malabo aaga oovuma, vowi eli etoonyihedho yaaga vaari va miyo ni nyoovo ni wa aniinyu a musogolo wi munone wi miyo gili Nabwiya onoweelihani. 14Mowindala mulogolelege nlabo noovuma, vowi thoweela mwa nyo. Oyene onanyemule onookwa ebaribareene, vano oyene onalaba mabasa aaye nlabo nendda onoodha eegariwe vaari va mulogo waaye. 15Malabo matanu nammohi muhiddege mabasa eenyu, mbwenye nlabo na neetanu nabiili thi nlabo noovumesesa, nili noweela wa Nabwiya. Oyene oneere ahidde mabasa bure ebaribari oneere apiwe. 16AEzarayeli ni aniiwa ekameelege nlabo noovuma wona opangana woohumala. 17Ela etoonyihedho yoohumala vaari va miyo ni a aEzarayeli, vowi mwa malabo matanu nammohi Nabwiya ahisasanya odhulu ni elabo ya vati, mbwenye na neetanu nabiili ahimaala, ovumaga> >>.
18OMwaangoni Sinayi, Nabwiya vamaliliiye owoga ni Mozezi, ahimwinkaga mabwe meenddi a nipangano no waandana, oolebiwa ni mwiinyeene Mulugu.
Currently Selected:
Okuma 31: tke
Highlight
Copy
Compare
Share
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
