Zabbuli 97
97
Obufuzi bwa Katonda obw'ekitiibwa
1Mukama afuga; ensi esanyuke;
N'ebizinga byonna bijaguze.#Zab 93:1; 96:10,11
2Ebire n'ekizikiza bimwetooloola:
Obutuukirivu n'obwenkanya bye binyweza entebe ye.#Kuv 19:9, Ma 4:11, Zab 18:11; 89:14
3Omuliro gumukulembera,
Gwokya abalabe be eruuyi n'eruuyi.#Zab 21:9, Dan 7:10
4Ebimyanso bye byamulisa ensi:
Ensi n'ebiraba n'ekankana.#Zab 77:18
5Ensozi z'asaanuuka ng'envumbo awali Mukama,
Awali Mukama w'ensi zonna.#Mi 4:13, Nak 1:5
6Eggulu libuulira obutuukirivu bwe,
N'amawanga gonna galabye ekitiibwa kye.#Zab 50:6, Is 40:5
7Bakwatibwe ensonyi bonna abasinza ebifaananyi ebyole,
Abeenyumiriza olw'ebifaananyi:
Mumusinze ye, mmwe bakatonda mwenna.#Zab 96:5, Is 42:17, Yer 10:14
8Sayuuni yawulira n'asanyuka,
N'abawala ba Yuda ne bajaguza;
Olw'emisango gyo, Ayi Mukama.#Zab 48:11
9Kubanga ggwe, Mukama, oli waggulu nnyo ku nsi zonna:
Ogulumizibwa okusinga ennyo bakatonda bonna.#Zab 83:18; 95:3
10Kale mmwe abaagala Mukama,
mukyawe obubi:
Akuuma emmeeme z'abatukuvu be;
Abawonya mu mukono gw'omubi.#Zab 34:14, Nge 2:8; 8:13, Dan 3:28, Am 5:15, Bik 12:11, Bar 12:9
11Omusana gwakira omutuukirivu,
N'essanyu eri oyo alina omutima ogw'amazima.#Zab 112:4, Nge 4:18
12Musanyukire Mukama, mmwe abatuukirivu
Era mwebaze erinnya lye ettukuvu.#Zab 30:4; 32:11
Currently Selected:
Zabbuli 97: LBR
Highlight
Share
Compare
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.
